English | Telugu
బిగ్ బాస్ విన్నర్ పెళ్లెప్పుడంటే...
Updated : May 11, 2021
బిగ్ బాస్ సీజన్ 4లో కంటెస్టెంట్ గా పాల్గొన్న నటుడు అభిజిత్ ఫైనల్స్ వరకు వెళ్లి.. విజేతగా ట్రోఫీ అందుకున్నారు. ఈ షోతో అభిజిత్ ఫాలోయింగ్ పెరిగిపోయింది. అప్పుడప్పుడు సోషల్ మీడియాలో లైవ్ లోకి వస్తూ అభిమానులతో ముచ్చటిస్తుంటాడు అభిజిత్. తాజాగా లైవ్ లోకి వచ్చిన అభిజిత్.. ప్రస్తుతం దేశంలో ఉన్న పరిస్థితి గురించి మాట్లాడాడు. రోజుకి నాలుగు లక్షల కేసులు వస్తున్నాయంటే మాట్లాడడానికే చాలా బాధగా ఉందని అన్నాడు.
ప్రపంచంలో మన దేశమే దారుణమైన స్థానంలో ఉందంటూ అభిజిత్ అన్నాడు. ఇలాంటి సమయంలో బయటకు వెళ్లకుండా ఉండడమే మంచిదని.. ఇప్పుడు ఎవరి ప్రాణాలు వారు కాపాడుకోవడమే ముఖ్యమని చెప్పాడు. ఇలాంటి క్లిష్ట పరిస్థితుల్లో సేవలు అందిస్తోన్న డాక్టర్లు, వైద్య సిబ్బంది, పారిశుద్ధ్య కార్మికులకు అభిజిత్ ధన్యవాదాలు తెలిపాడు. అనంతరం అభిజిత్ ను సినిమా, పెళ్లి వంటి విషయాల గురించి నెటిజన్లు ప్రశ్నించారు.
అప్పుడెప్పుడో మూడు ప్రాజెక్ట్ లు లైన్ లో ఉన్నాయని చెప్పిన అభిజిత్.. ఇప్పటివరకు వాటిని అధికారికంగా ప్రకటించలేదు. అయితే ఇప్పుడు ఇంట్లోనే ఉంటూ కొత్తవాటిని నేర్చుకుంటున్నానని.. ప్రస్తుతం స్పానిష్ లాంగ్వేజ్ నేర్చుకుంటున్నట్లు చెప్పాడు. అలానే స్క్రిప్ట్ లు వింటున్నానని.. ఇప్పుడే ఏం చెప్పలేనని అన్నాడు. పెళ్లెప్పుడు అని అడిగిన నెటిజన్ కు నవ్వుతూ.. ఇప్పుడప్పుడే ఉండదులే అంటూ బదులిచ్చాడు.