తులసి సంగీతం పిల్లల కోసం ఎండ పడకుండా ఉండేందుకు ఒక టెంట్ సిద్ధం చేయడానికి రెడీ అవుతుంది. తులసి నిచ్చెనెక్కి టెంట్ వేయబోతుంది. "మమ్మల్ని పిలిస్తే మేము సాయం చేసేవాళ్ళం కదా" అని ఇంట్లో వాళ్ళు తులసితో అంటారు. ఇంతలో తులసి ఇంటికి బ్యాంకు ఏజెంట్స్ వస్తారు. "మ్యూజిక్ స్కూల్ పెట్టుకోవాలనుకుంటున్నాం" అని వాళ్ళతో చెప్తుంది తులసి. దీని కోసం ఎంత లోన్ వస్తుంది అని అడిగేసరికి "ఎంత కావాలంటే అంత తీసుకోండి" అంటారు. మాకు ఆదాయం ఏమీ లేదు కదా ఎలా ఇస్తారంటాడు పరంధామయ్య.

ఇంతలో తులసి కొన్ని డాక్యుమెంట్స్ తీసుకొచ్చి ఇస్తుంది. అన్ని డాకుమెంట్స్ చెక్ చేసి మళ్ళీ వస్తాం అని చెప్పి బ్యాంకు ఏజెంట్స్ వెళ్ళిపోతారు. 20 లక్షల లోన్ రాగానే అందులోంచి ఫైవ్ లాక్స్ ప్రేమ్ కి ఇవ్వాలి అని అనుకుంటుంది తులసి. ఇంకో వైపు ప్రేమ్ చాలా హ్యాపీగా ఇంటికి వస్తాడు. శృతిని పిలుస్తాడు కానీ మంచి నీళ్లు తేవడానికి వెళ్లి బిందె పట్టుకుని ఇంట్లోకి వస్తూ ఉంటుంది. అది చూసి ప్రేమ్ బిందెని పట్టుకుని ఇంట్లో పెడతాడు.

ఐతే తనకు తక్కువ ఖరీదులో మంచి వాద్య పరికరాలు ఇస్తానని చెప్పాడని చెప్తాడు. కాబట్టి తన ఫ్రెండ్ కి ఫోన్ చేసి డబ్బులు ఏమన్నా అరేంజ్ అయ్యేలా మాట్లాడు అంటూ ఫోన్ ఇస్తాడు ప్రేమ్. శృతికి ఏం చేయాలో తెలియక తులసికి ఫోన్ చేసి వందన అనే పేరుతో మాట్లాడుతుంది. "నీకో గుడ్ న్యూస్ చెప్పాలి. ప్రేమ్ ఆల్బంకి నేను మనీ అరేంజ్ చేస్తాను" అంటుంది తుల‌సి. "బ్యాంకు లోన్ కి అప్లై చేశా, రాగానే ఇస్తాను" అని చెప్పేసరికి శృతికి ఏం మాట్లాడాలో అర్థంకాదు.

మరో వైపు "అంకిత విషయం ఏం చేద్దాం?" అంటూ గాయత్రి అభిని అడుగుతుంది. "మీ మాటే వినట్లేదు నా మాట ఏం వింటుంది?" అంటాడు అభి. తులసి దగ్గర డాకుమెంట్స్ తీసుకున్న బ్యాంకు ఏజెంట్ భాస్కర్.. లాస్య చెప్పినట్టే ఫేక్ డాకుమెంట్స్ క్రియేట్ చేస్తాడు. కానీ చివరికి అవి ఫేక్ అని అంకిత ద్వారా తెలుసుకుని తులసి ఏం చేస్తుంది అనే విషయాలను ఈరోజు సాయంత్రం ప్రసారమయ్యే 'గృహలక్ష్మి' సీరియల్ లో చూడొచ్చు.