బిగ్ బాస్ మెగా చీఫ్ అవ్వడానికి జరిగిన టాస్క్ లలో ప్రతీ ఒక్కరు ఏదో ఒక సందర్భంలో నోరు జారుతూనే ఉంటారు. మళ్ళీ అది రియలైజ్ అయి సారీ చెప్తుంటారు. అయితే ఈ వారంలో టాస్క్ లో భాగంగా నిఖిల్, గౌతమ్ కి పెద్ద గొడవనే జరిగింది. అందులో గౌతమ్, నిఖిల్ ఇద్దరు నువ్వా నేనా అంటు గొడవకి దిగారు.

అదే విషయమై గౌతమ్, నిఖిల్ ని నాగార్జున వివరణ అడుగుతాడు. సర్ తను సైలెంట్ గా ఎదో అబ్యూజ్ వర్డ్ వాడాడు. అందుకే నాకు కోపం వచ్చిందంటూ నిఖిల్ చెప్తాడు. ఆ కోపంలో కొంచెం గట్టిగా అరిచాను కానీ నేను అబ్యూజ్ వర్డ్ మాత్రం వాడలేదని గౌతమ్ అంటాడు. ఆ తర్వాత నాగార్జున వీడియో ప్లే చేసి చూపిస్తాడు. అందులో ఏదో వర్డ్ సైలెంట్ వాడినట్లు ఉంటుంది. అది చూసి సర్ నా మైండ్ లో ఎలాంటి బ్యాడ్ ఇంటెన్షన్ అయితే లేదు మదర్ ప్రామిస్ అంటూ గౌతమ్ అంటాడు. నువ్వు అన్నది అబ్యూజ్ వర్డ్ కాకపోతే.. నువ్వు ఎందుకు సైలెంట్ గా అన్నావ్. బయటకు అనొచ్చు కదా అని నాగార్జున అంటాడు. అది అబ్యూజ్ వర్డ్ వాడినట్లు అయితే ఈ క్షణమే ఇంటి నుండి వెళ్ళిపోతాను సర్ అంటాడు గౌతమ్.

ఆ తర్వాత ఆ విషయం గురించి నాగార్జున హౌస్ మేట్స్ ఒపీనియన్ అడుగుతాడు. అందరు కూడా అలా సైలెంట్ గా ఆ వర్డ్ వాడాడు. కాబట్టి అది అనకూడని వర్డ్ అయి ఉంటుందని హౌస్ మేట్స్ అంటారు. నువ్వు ప్రామిస్ వేసావ్ ఒకవేళ అనవసరంగా నేనే ఉహించుకొని ఉంటే సారీ.. ఎందుకంటే అమ్మ ఎవరికైనా అమ్మనే అని స్కిప్ చేస్తున్నట్లుగా నిఖిల్ ఆ విషయం గురించి చెప్పుకొచ్చాడు. దానికి గౌతమ్ సారీ చెప్తాడు. ఇక ఇలాంటివి రిపీట్ కాకుండా చూసుకోమని నాగార్జున చెప్తాడు.