స్టార్ట్ మా టీవీలో ప్రసారమవుతున్న సీరియల్ 'బ్రహ్మముడి'(Brahmamudi). ఈ సీరియల్ గురువారం నాటి ఎపిసోడ్-925 లో.. తన కడుపులో బిడ్డపై రుద్రాణి చేసిన కుట్ర గురించి తల్చుకొని కావ్య బాధపడుతుంది. అప్పుడే రాజ్ వచ్చి.. ఇప్పుడు అది ఎందుకు ఆలోచిస్తున్నావు మర్చిపోమని దైర్యం చెప్తాడు. మీరు డెలివరి టైమ్ లో నా పక్కన ఉంటానని మాటివ్వండి అని కావ్య అనగానే రాజ్ మాటిస్తాడు.

మరొకవైపు ఉదయం అందరు హాల్లో దిగులుగా కూర్చొని ఉంటారు. ధాన్యలక్ష్మి కాఫీ తీసుకొని వచ్చి ఇస్తే వద్దు తాగాలని లేదని ఇద్దరు అంటారు. అమ్మమ్మా మా అమ్మ చేసిన తప్పుకు ఇంకా కోపం పోలేదంటే తన పిల్లలం ఇక్కడే ఉన్నాం కొట్టండి తిట్టండి పడతామని రాహుల్ అంటాడు. ఆ తర్వాత ప్రకాష్ వచ్చి ఏంటి ప్రొద్దున నుండి రుద్రాణి కన్పించడం లేదని అడుగుతాడు. బాబాయ్ ఇలా జరిగింది మర్చిపోవడం నీకు అదృష్టం అని ప్రకాష్ తో రాజ్ అంటాడు.

ఆ తర్వాత ఇంటికి పోలీసులు వస్తారు. మీరు దొంగ బంగారం సప్లై చేస్తున్నారని తెలిసి సాండి అనే అతను మీ ఆఫీస్ కి వచ్చి డీలింగ్ పెట్టుకున్నాడని తెలిసిందని ఇన్‌స్పెక్టర్ అంటాడు. వాడు ఆఫీస్ కి వచ్చి ఆఫర్ ఇచ్చింది నిజమే కానీ దానికి నేను ఒప్పుకోలేదని రాజ్ అంటాడు. దాంతో సాండిని పిలిపిస్తారు. రాజ్ తనతో ఒప్పందం కుదుర్చుకున్నాడని సాండి చెప్పగానే అబద్ధం అని రాజ్ అంటాడు. మీ ఇంట్లో దొంగ బంగారం ఉన్నట్లు సమాచారం అని ఇన్‌స్పెక్టర్ అంటాడు. పోలీసులు ఇంట్లో సెర్చ్ చేస్తారు. కానీ ఇంట్లో ఏం ఉండదు.

అయితే రాజ్ కార్ లో సూట్ కేసు దొరుకుతుంది. ఆ సూట్ కేసుని రాత్రి రాజ్ కార్ లో పెడతాడు రాహుల్. సాండికి ఫోన్ చేసి పోలీసులకి దొరికిపోమని చెప్తాడు. ఇక రాజ్ కార్ లో సూట్ కేసు చూసి.. ఇప్పుడు ఏమంటారని రాజ్ తో ఇన్‌స్పెక్టర్ అంటాడు. అదెలా వచ్చిందో నాకు తెలియదని రాజ్ చెప్తాడు. దాంతో రాజ్ ని పోలీసులు అరెస్ట్ చేస్తారు. కావ్య బాధపడుతుంది.

తరువాయి భాగంలో కావ్యకి నొప్పులు రావడంతో హాస్పిటల్ కి తీసుకొని వెళ్తారు. మా ఆయన వస్తేనే నేను ఆపరేషన్ చేయించుకుంటానని కావ్య అంటుంది. రాజ్ కి బెయిల్ రావడానికి రెండు రోజులు పడుతుందన్నారని ఇంట్లో వాళ్ళు అంటారు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.