డాన్స్ ఐకాన్ సీజన్ 2 నెక్స్ట్ వీక్ ప్రోమో ఫుల్ కలర్ ఫుల్ గా రిలీజ్ అయ్యింది. ఇందులో బ్రహ్మముడి కావ్య వేసే ఏ కంటెంట్ కామెడీ డైలాగ్స్ మాములుగా లేవు. ఎవర్రా దీపికాని ఈ షోకి తెచ్చింది అంటూనే ఆమె డైలాగ్స్ ని ఫుల్ ఎంజాయ్ చేస్తున్నారు. ఇక నెక్స్ట్ వీక్ ఎపిసోడ్ కి కిరణ్ అబ్బవరం రాబోతున్నాడు. ఇక స్టేజి మీదకు రాగానే ఓంకార్ బొకే ఇచ్చి ఇన్వైట్ చేసాడు. ఇక్కడి వరకు బానే ఉంది. తర్వాతే దీపికా టార్చర్ మొదలయ్యింది. "రహస్యంగా మిమ్మల్ని ఒకటి అడగాలి..రహస్య గారు ఎలా వున్నారు" అంది గుసగుసలాడుతూ.."బాగున్నారండి బాగున్నారు" అంటూ కిరణ్ కూడా రిప్లై ఇచ్చాడు. "మీరు ప్రెగ్నెంట్ గా ఉన్నారు కదా" అని అడిగేసింది.

ఇక శేఖర్ మాష్టర్ ఐతే "ఏయ్ ఎం మాట్లాడుతున్నావ్" అన్నాడు. "నేను కాదండి. తను ప్రెగ్నెంట్" అన్నాడు కిరణ్. తర్వాత మళ్ళీ దీపికా "సర్ మీరిప్పుడు చూడలేదా..కపుల్స్ ఎవరైనా ప్రెగ్నెంట్ గా ఉంటే వి ఆర్ ప్రెగ్నెంట్ అని పెడుతున్నారు" అంటూ ఉన్న నిజాన్ని కామెడీగా చెప్పేసింది. "అవునా అండి...నేను చూడలేదు" అని చెప్పాడు కిరణ్ అబ్బవరం. ఇక ఈ ప్రోమోలో మాష్టర్లు, మెంటార్లు కలిసి డాన్స్ చేశారు. దానికి కిరణ్ "మాష్టర్ షో నుంచి బయటకు వెళ్లిపోయిన తర్వాత ఎక్కడైనా డాన్స్ స్కూల్ ఉంటే అక్కడ జాయిన్ అవుతా మాష్టర్ " అనేసరికి అందరూ నవ్వేశారు. "సర్ ఆ మాత్రం నాతో డాన్స్ చేయకుండా మీరు వెళ్ళిపోతే ఎలా" అని అడిగింది దీపికా. "అదొక్కటి వద్దమ్మా" అంటూ దీపికా డాన్స్ కి కిరణ్ అబ్బవరం కూడా భయపడిపోయారు. తర్వాత ఇద్దరూ కలిసి డాన్స్ చేసారు.