కల నిజమాయెనే..నా పేజీకి కూడా బ్లూ టిక్ వచ్చేనే...ఆనందంలో గీతూ.
చిత్తూరు చిరుత అంటూ తెగ సందడి చేసే గీతూ రాయల్ గురించి తెలియని వారంటూ ఎవరూ ఉండరు. బిగ్ బాస్ షోల పై రివ్యూస్ చేస్తూ సోషల్ మీడియాలో పాపులర్ అయ్యింది ఈ గీతూ. అలా ఫేమస్ ఐన గీతూ ఈటీవీలో వచ్చే జబర్దస్త్ షోలో కూడా ఇలా కనిపించి అలా మెరిసి మాయమయ్యింది. బిగ్ బాస్ హౌజ్‌‌లోకి 8వ కంటెస్టెంట్‌గా ఎంట్రీ ఇచ్చి ఈ షోని ఎప్పటికీ ఎవరూ మర్చిపోలేనంతగా పేరు తెచ్చిపెట్టింది గీతూ. అలాంటి గీతూ సోషల్ మీడియాలో తన నీతి సూత్రాలతో, జీవితంలో ఎలా ఉండాలి, ఎలా ఉండకూడదు వంటివి చెప్తూ పాపులారిటీ తెచ్చుకుంది. యూట్యూబ్ లో వెరైటీ వీడియోస్ ని అప్ లోడ్ చేస్తూ ఉంటుంది. అలాగే ఇన్స్టాగ్రామ్ లో కూడా ఫోటోషూట్స్ అని, ఫంక్షన్ వీడియోస్ అని ఆదిరెడ్డితో డాన్సులని అన్ని ఇందులో పోస్ట్ చేస్తూ ఉంటుంది. అలాంటి తన ఇన్స్టాగ్రామ్ పేజీ వెరిఫై అయ్యి బ్లూ టిక్ వచ్చేసరికి పండగ చేసుకుంటోంది.