English | Telugu
"పౌరాణిక చిత్రం చేయాలనుంది"- నాగ్
Updated : Dec 15, 2011
యువసామ్రాట్, కింగ్ అక్కినేని నాగార్జున తనకు పౌరాణిక చిత్రంలో నటించాలనుంది అని తెలుగు వన్ కు ప్రత్యేకంగా తెలియజేశారు. వివరాల్లోకి వెళితే "రాజన్న" సినిమా ప్రమోషంలో భాగంగా తెలుగువన్ కు ఇచ్చిన ప్రత్యేక ఇంటర్ వ్యూలో యువసామ్రాట్ నాగార్జున మాట్లాడుతూ "రాజన్న సినిమా చాలా బాగా వచ్చింది. నవంబర్ లో రిలీజ్ చేద్దామనుకుంటే డిస్ట్రిబ్యూటర్స్ అంత మంచి సీజన్ కాదు...ఇప్పుడు వద్దన్నారు. అలా అనుకోకుండా నా ఫేవరెట్ మంత్ అయిన డిసెంబర్ లో 22 వ తేదీన రిలీజ్ చేస్తున్నాను. సోమవారం సెన్సార్ సర్టిఫికేట్ వస్తుంది." అని "రాజన్న" చిత్ర కథను తెలిపారు.
అనంతరం ఆయన ఇంకా మాట్లాడుతూ "నేను ఇంకెంత కాలం సోలో హీరోగా చేస్తానో తెలియదు. కానీ నేను నా సినీ జీవితంలో వెనుతిరిగి చూసుకుంటే కొన్ని సినిమాలు నేను గర్వంగా చెప్పుకునేలా ఉండాలనుకుంటున్నాను. ఆ దిశలో భాగంగా ఒక పౌరాణిక చిత్రం, ఒక జానపద చిత్రంలో కూడా నాకు నటించాలనుంది. పౌరాణిక చిత్రం అయితే మీసాలు లేని రాముడుగానో, కృష్ణుడుగానో నటించను. మీసాలుండే పాత్రలోనే నటిస్తాను." అని అన్నారు యువసామ్రాట్...!