సుప్రీమ్ హీరో సాయి ధరమ్ తేజ్ తాజా చిత్రం 'విరూపాక్ష' ఆయన కెరీర్ లోనే బిగ్గెస్ట్ హిట్ దిశగా దూసుకుపోతోంది. రూ.34 కోట్ల షేర్ తో 'ప్రతిరోజూ పండగే' ఆయన కెరీర్ లో అత్యధిక వసూళ్లు రాబట్టిన చిత్రంగా నిలవగా.. ఇప్పుడు విరూపాక్ష ఆ రికార్డుని బ్రేక్ చేసి భారీ విజయాన్ని నమోదు చేసేలా ఉంది. కేవలం ఆరు రోజుల్లోనే దాదాపు రూ.30 కోట్ల షేర్ కలెక్ట్ చేసిన ఈ మూవీ.. ఫుల్ రన్ లో 40 కోట్లకు పైగా షేర్ రాబట్టే అవకాశముంది.

రూ.23 కోట్ల బ్రేక్ ఈవెన్ టార్గెట్ తో బరిలోకి దిగిన విరూపాక్ష.. ఆరు రోజుల్లోనే వరల్డ్ వైడ్ గా రూ.29.91 కోట్ల షేర్ రాబట్టి సూపర్ హిట్ గా నిలిచింది. ఆరో రోజైన నిన్న 2.24 కోట్ల షేర్ సాధించిన ఈ చిత్రం.. ఈరోజు కూడా మరో రెండు కోట్ల షేర్ రాబట్టే అవకాశముంది. శుక్రవారం నుంచి 'ఏజెంట్' రూపంలో గట్టి పోటీ ఎదురయ్యే అవకాశమున్నప్పటికీ.. విరూపాక్ష కి వచ్చిన అదిరిపోయే పాజిటివ్ టాక్ ని బట్టి చూస్తే.. కనీసం మరో పది కోట్ల షేర్ రాబట్టే అవకాశాలు కనిపిస్తున్నాయి.

ఆరు రోజుల్లో నైజాంలో రూ.10.42 కోట్ల షేర్, సీడెడ్ లో రూ.3.42 కోట్లషేర్, ఆంధ్రాలో రూ.9.77 కోట్ల షేర్ కలెక్ట్ చేసిన విరూపాక్ష.. తెలంగాణ, ఆంధ్రప్రదేశ్ లో కలిపి ఇప్పటిదాకా రూ.23.61 కోట్ల షేర్ రాబట్టింది. ఇక రెస్టాఫ్ ఇండియా రూ.2.10 కోట్ల షేర్, ఓవర్సీస్ లో రూ.4.20 కోట్ల షేర్ కలిపి.. ఆరు రోజుల్లో వరల్డ్ వైడ్ గా రూ.29.91 కోట్ల షేర్ వసూలు చేసింది. ఈ వీకెండ్ లోపు సాయి ధరమ్ తేజ్ కెరీర్ లో అత్యధిక వసూళ్లు రాబట్టిన సినిమాగా నిలిచే అవకాశముంది. మరోవైపు యూఎస్ లో ఈ సినిమాకి అదిరిపోయే రెస్పాన్స్ వస్తోంది. ఇప్పటికే 1 మిలియన్ డాలర్ క్లబ్ లో చేరింది.