English | Telugu
సెట్లో మిస్బిహేవ్ చేసిన స్టార్ కమెడియన్!
Updated : Aug 11, 2015
స్టార్ అనే హోదా నెత్తిమీద కొమ్ముల్ని తీసుకొస్తుందనడానికి ఇది మరో నిదర్శనం. హీరోలే కాదు. స్టార్ హోదా వస్తే...కమెడియన్లూ పోజులు కొడతారు. తెలుగు తెరపై తిరుగులేని కమెడియన్గా పేరు తెచ్చుకొని, లక్షల పారితోషికాలు అందుకొంటున్న ఓ బడా హాస్యనటుడు సెట్లో ఓ అమ్మాయితో మిస్ బిహేవ్ చేసిన సంగతి ఇప్పుడు వెలుగులోకి వచ్చింది.
ఓ స్టార్ కమెడియన్ కాస్ట్యూమ్ డిజైనర్తో వెకిలివేషాలు వేయడానికి ప్రచత్నించాడని, ఆ కాస్ట్యూమ్ డిజైనర్, సదరు స్టార్ కమెడియన్కి లెఫ్ట్ అండ్ రైట్ ఇచ్చేసిందని ఫిల్మ్నగర్ వర్గాలు గుసగుసలాడుకొంటున్నాయి. ఆ కమెడియన్ ఎవరు అనే విషయంపై టాలీవుడ్లో పెద్ద చర్చ సాగుతోంది. ఇది వరకు కూడా ఓ యాంకర్ తో ఇలానే సరసాలాడ్డానికి ప్రయత్నించి.. భంగపడ్డాడట. ఇప్పుడు మరోసారి సెట్లో అందరి ముందు రెడ్ హ్యాండెడ్ గా దొరికిపోయాడు.
సెట్లో దర్శకుడు, నిర్మాతల ముందే ఈ స్టార్ కమెడియన్ని ఆ కాస్ట్యూమ్ డిజైనర్ చడామడా తిట్టేయడంతో... షాక్కి గురై సెట్ వదిలి అర్థాంతరంగా వెళ్లిపోయాడట. ఈ ఉదంతంతో ఆ స్టార్ కమెడియన్ పరువు కాస్త పోయినట్టైందని ఫిల్మ్నగర్ వర్గాలు గుసగుసలాడుకొంటున్నాయి. ఇప్పటికైనా ఇలాంటి వేషాలేయడం మానేసి, తెరపై వేసుకొనే వేషాలపై దృష్టి పెడితే బాగుంటుందని ఆ కమెడియన్ కు కొంతమంది సలహాలూ ఇస్తున్నారు. మరి ఇప్పటికైనా ఆయన మారతారో, లేదో?