నాగచైతన్య "దడ" యూరప్ నుంచి వచ్చింది. అపార్థం చేసుకోకండి....నాగచైతన్య "దడ" అంటే అతను హీరోగా నటిస్తున్న సినిమా "దడ" అని అర్థం. వివరాల్లోకి వెళితే కామాక్షీ కళా మూవీస్ పతాకంపై, అక్కినేని నాగచైతన్య హీరోగా, కాజల్ అగర్వాల్ హీరోయిన్ గా, అజయ్ భూయాన్ అనే నూతన యువకుణ్ణి దర్శకుడిగా పరిచయం చేస్తూ, డి.శివప్రసాద రెడ్డి నిర్మిస్తున్న విభిన్నకథా చిత్రం "దడ". నాగచైతన్య "దడ" చిత్రం యూనిట్ ఒక షూటింగ్ నిమిత్తం ఇటీవల యూరప్ వెళ్ళింది.

అక్కడ షుటింగ్ పూర్తిచేసుకుని ఇండియాకు ఈ రోజే తిరిగొచ్చింది. నాగచైతన్య "దడ" సినిమాలో కేవలం ఒక్క పాట మాత్రమే చిత్రీకరించాల్సి ఉంది. ఈ సినిమాలో హీరో నాగచైతన్య యు.యస్.లో చదువుకున్న ఒక విద్యార్థిగా నటిస్తూండగా, శ్రీరామ్ అతనికి అన్నయ్యగా నటిస్తున్నాదు. యువ సంగీత తరంగం దేవీ శ్రీ ప్రసాద్ ఈ నాగచైతన్య "దడ" సినిమాకి సంగీతం అందిస్తుండగా, అబ్బూరి రవి ఈ చిత్రానికి మాటలు వ్రాస్తున్నారు.