ప్రేక్షకులను బద్రీనాథ్ కి పంపిస్తున్న గీతా ఆర్ట్స్. వివరాల్లోకి వెళితే గీతా ఆర్ట్స్ పతాకంపై, స్టైలిష్ స్టార్ అల్లు అర్జున్ హీరోగా, మిల్కీ వైట్ బ్యూటీ తమన్నా భాటియా హీరోయిన్ గా, డైనమిక్ డైరెక్టర్ వి.వి.వినాయక్ దర్శకత్వంలో, మెగా నిర్మాత అల్లు అరవింద్ 30 కోట్ల భారీ వ్యయంతో నిర్మించిన చిత్రం "బద్రీనాథ్". ఈ చిత్రం ఇటీవల విడుదలై ప్రస్తుతం విజయవంతంగా ప్రదర్శించబడుతుంది. ఈ ఈ "బద్రీనాథ్" మూవీ కలేక్షన్ల పరంగా హిట్టయిందని వినపడుతుందే కానీ, నిజానికి ప్రేక్షకుల స్పందన ప్రకారం మాత్రం ఈ చిత్రం అంత రేంజ్‍ హిట్టంటే నమ్మబుద్ధి కాదు.

ఈ నేపథ్యంలో ఈ సినిమా చూసిన ప్రేక్షకుల్లో లక్కీ డీప్ ద్వారా కొంతమందిని ఎన్నిక చేసి, "బద్రీనాథ్" పుణ్యక్షేత్రానికి పంపించటానికి గీతా ఆర్ట్స్ సన్నాహాలు చేస్తూంది. ఈ లక్కీ డీప్ ఎలా...? ఎప్పుడు తీసేదీ త్వరలో తేలియజేస్తామని నిర్మాత అల్లు అరవింద్ తెలియజేశారు. "బద్రీ నాథ్" సినిమా హైదరాబాద్ లో 32 థియేటర్లలో ప్రస్తుతం నడుస్తూంది. ప్రసాద్ మల్టిప్లెక్స్ లో మాత్రం ఈ సినిమా రోజుకి 8 ఆటల చొప్పున ప్రదర్శించబడుతూంది. ఈ బద్రీనాథ్ యాత్ర నిజానికి ప్రేక్షకుల కోసం కాదనీ, పంపిణిదారులు నష్టపోకుండా చూడటం కోసమేననీ ప్రేక్షకులకు అర్థం కాదంటారా...?