నాన్నని కొన్న బెల్లంకొండ సురేష్. ఇదేంటి ప్రముఖ నిర్మాత బెల్లంకొండ సురేష్ నాన్నని కొనుక్కోవటం ఏంటనేగా మీ అనుమానం. నాన్న అంటే తమిళంలో సూపర్ స్టార్ విక్రమ్, అందాల యోగా మాస్టర్ అనుష్క జంటగా నటించిన "దైవ తిరుమగన్" అనే సినిమాని తెలుగులో "నాన్న" పేరుతో అనువదిస్తున్నారు. ఈ సినిమా తెలుగు అనువాదపు హక్కులను బెల్లంకొండ సురేష్ మూడున్నర కోట్లకు కొన్నారట.

ఈ సినిమా కథ విషయానికొస్తే కృష్ణ (విక్రమ్) మనిషి శరీరం ముప్పై యేళ్ళ వయసుకు పెరిగినా బుద్ధి మాత్రం ఓ ఐదేళ్ళ పిల్లాడి స్థాయిలోనే ఉంటుంది. అనుష్క ఈ సినిమాలో ఒక ప్లీడర్ గా, అలాగే కృష్ణను చూసుకునే కేర్ టేకర్ గా ఉండే పాత్రలో నటిస్తూంది. ఈ సినిమాకి ఎ.యల్.విజయ్ దర్శకత్వం వహించగా, తమిళంలో యమ్.చింతామణి నిర్మించారు. ఈ సినిమాలో ఒక కమర్షియల్ సినిమాలో ఉండే అన్ని మసాలాలూ ఉంటూనే మనసుకు హత్తుకునే సీన్లు కూడా ఉంటాయనీ ఈ చిత్ర దర్శకుడు విజయ్ మీడియాకు తెలియజేశారు.