డిసెంబర్ లో రానున్న ప్రభాస్ "రెబెల్" అని ఫిలిం నగర్ వర్గాలంటున్నాయి. వివరాల్లోకి వెళితే బాలాజీ సినీ మీడియా పతాకంపై, యంగ్ రెబెల్ స్టార్ ప్రభాస్ హీరోగా, అందాల యోగా టీచర్ అనుష్క హీరోయిన్ గా, కొరియోగ్రాఫర్ టర్న్డ్ డైరెక్టర్ రాఘవ లారెన్స్ దర్శకత్వంలో, జె.భగవాన్, జె.పుల్లారావు సంయుక్తంగా నిర్మిస్తున్న చిత్రం" "రెబెల్". గతంలో ప్రభాస్ హీరోగా నటించిన "బిల్లా" సినిమాలో అనుష్క హీరోయిన్ గా నటించింది. ఆ తర్వాత వాళ్ళిద్దరూ కలసి జంటగా నటిస్తున్న రెండవ సినిమా "రెబెల్" కావటం విశేషం.

ప్రభాస్ "రెబెల్" సినిమా మే 2 వ తేదీన ప్రారంభం అయ్యింది. ఈ సినిమా షూటింగ్ ప్రస్తుతం హైదరాబాద్ నగర శివార్లలో జరుగుతూంది. ఇంతకు ముమదు విశాఖపట్టణంలోనూ, బ్యాంకాక్ లోనూ ప్రభాస్ "రెబెల్" షూటింగ్ జరుపుకుంది. ప్రభాస్ "రెబెల్" సినిమాని అక్టోబర్ లో పూర్తిచేసి డిసెంబర్ నెలలో క్రిస్ మస్ కానుకగా విడుదల చేయాలని ఈ చిత్ర నిర్మాతలు సన్నాహాలు చేస్తున్నారు. ప్రభాస్ "రెబెల్" సినిమాకి థమన్ అసంగీతాన్ని అందిస్తూండగా, రామ్ ప్రసాద్ సినిమాటోగ్రఫీని, మార్తాండ్.కె.వెంకటేష్ ఎడిటింగ్ ని నిర్వహిస్తున్నారు.