"తీన్ మార్" అనే తెలుగు సినిమా శాటిలైట్ హక్కులను జెమినీ టెలివిజన్ సంస్థ అయిదున్నర కోట్ల ఫ్యాన్సీ మొత్తానికి సొంతం చేసుకుందట.పరమేశ్వర ఆర్ట్స్ పతాకంపై,పవర్ స్టార్ పవన్ కళ్యాణ్ హీరోగా, త్రిష హీరోయిన్ గా, జయంత్ సి పరాంజీ దర్శకత్వంలో గణేష్ నిర్మిస్తున్న చిత్రం"తీన్ మార్".ఇది బాలీవుడ్ లో ఘనవిజయం సాధించిన "లవ్ ఆజ్ కల్" చిత్రానికి రీమేక్ అన్న సంగతి ప్రేక్షకులకు తెలిసిన సంగతే.ఈ చిత్రం తెలుగు రీమేక్ లో త్రిష తో పాటు కృతి కర్బందా కూడా మరో హీరోయిన్ గా నటిస్తోంది.ప్రముఖ బాలీవుడ్ నటుడు పరేష్ రావెల్ ఈ చిత్రంలో ఒక ముఖ్య పాత్రలో నటిస్తున్నాడు.ఈ చిత్రానికి ప్రముఖ రచయిత, దర్శకుడూ అయిన త్రివిక్రమ్ శ్రీనివాస్ సంభాషణలు వ్రాయటం విశేషం.