English | Telugu
సూర్య ఏళాం అరివు లో హాలీవుడ్ విలన్
Updated : Apr 20, 2011
ఈ చిత్రం కోసం హాలీవుడ్ విలన్ ని తమిళ తెరకు పరిచయం చేస్తున్నాడు దర్శకుడు మురుగదాస్. ఈ విలన్ పేరు "జాన్ టి గూయాన్". ఇతను హాలీవుడ్ లో "స్పైడర్ మ్యాన్ -2", "క్రాడల్ ది గ్రేవ్" వంటి సూపర్ హిట్ చిత్రాల్లో నటించాడు. ఇతను మార్షల్ ఆర్ట్స్ లో ఎక్స్ పర్ట్ అని సమాచారం.
ఈ "ఏళాం అరివు" చిత్రానికి హేరీస్ జైరాజ్ సంగీతాన్ని అందిస్తున్నాడు. ఈ చిత్రంలోని ఒక పాటను వెయ్యి మంది డ్యాన్సర్లతో చెన్నైలో బిజీగా ఉండే రామనాధం తెరువు (వీధి) లో చిత్రీకరించారు. మామూలుగా మురుగదాస్ సినిమా అంటే ఏదో ఒక ప్రత్యేకత ఆ సినిమాలో కచ్చితంగా ఉంటుంది. బాలీవుడ్ లో అమీర్ ఖాన్ తో "గజిని" చిత్రం తీసిన తర్వాత తను తీస్తున్న ఈ "ఏళాం అరివు" చిత్రం మరింత విభిన్నంగా ఉండేలా మురుగదాస్ చాలా జాగ్రత్తలు తీసుకుంటున్నాడు.
ఈ చిత్రం కోసం హీరో సూర్య కూడా చాలా జాగ్రత్తలు తీసుకుంటున్నాడట. తన బాడీ లాంగ్వేజ్ దగ్గర నుండి తన గెటప్, డైలాగ్ మాడ్యులేషన్ వరకూ ఈ "ఏళాం అరివు" చిత్రం కోసం సూర్య చాలా మార్పులు చేర్పులు చేస్తున్నాడట.