తమ హీరో సమస్య మీద పోరాడే దుశ్శాసన అని "దుశ్శాసన" చిత్రం యూనిట్ తెలియజేసింది. వివరాల్లోకి వెళితే లాఫింగ్ లార్డ్ పతాకంపై, కుటుంబకథా చిత్రాల హీరో శ్రీకాంత్ హీరోగా, విభిన్న చిత్రాల దర్శకుడు, రచయిత, నటుడు, నిర్మాత అయిన పోసాని కృష్ణ మురళి దర్శకత్వంలో, మురళీ కృష్ణ నిర్మిస్తున్న విభిన్న కథా చిత్రం శ్రీకాంత్ "దుశ్శాసన". ఈ శ్రీకాంత్ "దుశ్శాసన" చిత్రంలో మన సమాజంలోని సమస్యల మీద జరిగే పోరాటాన్నే నేపథ్యంగా తీసుకుని ఈ చిత్రాన్ని నిర్మించామనీ, ఈ "దుశ్శాసన" ఏ ఒక్క వ్యక్తినో, లేదా ఏ ఒక్క సంస్థనో విమర్శించే సినిమా కాదనీ ఈ చిత్ర దర్శకుడు పోసాని కృష్ణ మురళి అన్నారు.

ఈ "దుశ్శాసన" చిత్రంలో హీరోగా నటిస్తున్న శ్రీకాంత్ మాట్లాడుతూ గతంలో పోసాని దర్శకత్వంలో తాను "ఆపరేషన్ దుర్యోధన" చిత్రంలో నటించాననీ, ఆ చిత్రం లానే ఈ శ్రీకాంత్ "దుశ్శాసన" చిత్రం కూడా ఘనవిజయం సాధిస్తుందనీ అన్నారు. ఈ శ్రీకాంత్ "దుశ్శాసన" చిత్రంలో శ్రీకాంత్ చేగువెరా గెటప్ లో కనిపించటం విశేషం. ఈ చిత్ర నిర్మాత మురళీ కృష్ణ ప్రసంగిస్తూ  పర్యావరణాన్ని కాపాడాల్సిన బాధ్యత ప్రతి ఒక్కరి మీదా ఉందనీ, అందుకే శ్రీకాంత్ "దుశ్శాసన" పేరు ముద్రించిన పేపర్ గ్లాసులు ఓ పదిలక్షలు తయారుచేసి పంపిణీ చేస్తున్నామనీ, తమ శ్రీకాంత్ "దుశ్శాసన" చిత్రాన్ని ఈ నెలలోనే విడుదల చేస్తామని అన్నారు.