ఇస్మార్ట్‌ శంకర్‌తో ఫుల్‌ మాస్‌ ఇమేజ్‌ తెచ్చుకున్న రామ్‌ పోతినేని, యాక్షన్‌, మాస్‌ సినిమాల స్పెషలిస్ట్‌ బోయపాటి శ్రీను కాంబినేషన్‌లో వచ్చిన ‘స్కంద’ ఇటీవల విడుదలై డివైడ్‌ టాక్‌ తెచ్చుకుంది. ఈ కాంబినేషన్‌లో సినిమా రాబోతోంది అనగానే ప్రేక్షకుల్లో, రామ్‌ అభిమానుల్లో చాలా హై ఎక్స్‌పెక్టేషన్స్‌ ఏర్పడ్డాయి. అయితే అందరూ ఊహించినట్టు ఈ సినిమా బ్లాక్‌బస్టర్‌ అవ్వలేదు. ఈ సినిమా విడుదలై 5 రోజులైంది. ఈ ఐదు రోజుల్లో తెలంగాణ, ఆంధ్రప్రదేశ్‌ రాష్ట్రాల్లో ఏరియా వైజ్‌ కలెక్షన్స్‌ ఏ రేంజ్‌లో ఉన్నాయో ఓసారి పరిశీలిద్దాం.

నైజాం రూ.9.27 కోట్లు, సీడెడ్‌ రూ.3.26 కోట్లు, వైజాగ్‌ రూ.2.85 కోట్లు, ఈస్ట్‌ రూ.1.69 కోట్లు, వెస్ట్‌ రూ.1.11 కోట్లు, కృష్ణా రూ.1.21 కోట్లు, గుంటూరు రూ.2.22 కోట్లు, నెల్లూరు రూ.99 లక్షలు.
5 రోజుల టోటల్‌ షేర్‌ రూ.22.6 కోట్లు.

ఈ సినిమా ప్రీ రిలీజ్‌ బిజినెస్‌ బాగా జరిగింది. అంటే చాలా హై రేట్లకి ఈ సినిమాని అమ్మారు కాబట్టి ఐదు రోజులకు బ్రేక్‌ ఈవెన్‌ అవ్వలేదు. దీనికి ముందు రామ్‌, పూరి జగన్నాథ్‌ కాంబినేషన్‌లో వచ్చిన ‘ఇస్మార్ట్‌ శంకర్‌’ ప్రీ రిలీజ్‌ బిజినెస్‌ తక్కువ రేట్లకే జరిగింది. ఈ సినిమా ఐదు రోజులకు టోటల్‌గా రూ.25 కోట్లు కలెక్ట్‌ చేసింది. అమ్మిన రేట్లతో కంపేర్‌ చేస్తే ‘ఇస్మార్ట్‌ శంకర్‌’ రూ.25 కోట్లకే బ్రేక్‌ ఈవెన్‌ అయింది. ఇక ‘స్కంద’ గురించి చెప్పాల్సివస్తే.. రూ.47 కోట్లు షేర్‌ సాధిస్తే తప్ప బ్రేక్‌ ఈవెన్‌ అవ్వదు. ఇప్పటి వరకు ఉన్న కలెక్షన్స్‌ బట్టి చూస్తే ఈ సినిమా బ్రేక్‌ ఈవెన్‌ అవ్వడం కూడా కష్టమేనని అర్థమవుతోంది. ఎలా చూసినా రామ్‌, బోయపాటి శ్రీనుల ‘స్కంద’ హీరో, డైరెక్టర్‌లతోపాటు నిర్మాతకు కూడా సేఫ్‌ ప్రాజెక్ట్‌ కాదు అనేది నిజం.