రామ్ సినిమాకి 3 పాటలు రెడీ అయ్యాయని ఫిలిం నగర్ వర్గాలంటున్నాయి. వివరాల్లోకి వెళితే యునైటెడ్ మూవీస్ పతాకంపై, చురుకైన యువహీరో రామ్ హీరోగా, మిల్కీ వైట్ బ్యూటీ తమన్నా భాటియా హీరోయిన్ గా, కరుణాకరన్ దర్శకత్వంలో, యువ డైనమిక్ నిర్మాత పరుచూరి కిరీటి నిర్మిస్తున్న విభిన్నమైన ప్రేమకథా చిత్రం" మన లవ్ స్టోరీ". ఈ చిత్రంలోని మూడు పాటలు రికార్డింగ్ పూర్తయిందని విశ్వసనీయ వర్గాల ద్వారా అందిన సమాచారం.

ఈ చిత్ర దర్శకుడు కరుణాకరన్ గతంలో పవర్ స్టార్ పవన్ కళ్యాణ్ హీరోగా "తొలిప్రేమ" వంటి బ్లాక్ బస్టర్‍ హిట్ నిచ్చాడు. అల్లు అర్జున్ హీరోగా "హ్యాపీ" వంటి చక్కని చిత్రాన్నిచ్చాడు. అలాగే సుమంత్ హీరోగా "యువకుడు", విక్టరీ వెంకటేష్ హీరోగా "వాసు" వంటి యావరేజ్ సినిమాలూ ఇచ్చాడు. ఇటీవల యశోసాగర్ హీరోగా, స్నేహా ఉల్లాల్ హీరోయిన్ గా "ఉల్లాసంగా-ఉత్సాహంగా" వంటి సూపర్ హిట్‍ చిత్రాన్ని అందించాడు. ఈ చిత్రం మే నెల చివర్లో కానీ జూన్ నెల ప్రారంభంలో కానీ మొదలవుతుందని సమాచారం.