English | Telugu
రామ్ చరణ్ నిశ్చితార్థపుటుంగరం పది కోట్లు
Updated : Nov 30, 2011
ప్రముఖ యువ హీరో, మెగాస్టార్ నటవారసుడు అయిన రామ్ చరణ్, అపోలో గ్రూప్ ఆఫ్ హాస్పిటల్స్ అధినేత మనవరాలు అయిన ఉపాసనా కామినేనిల నిశ్చితార్థం డిసెంబర్ ఒకటవ తేదీ అంటే ఈ రోజు రాత్రి 7.30 గంటలకు గండిపేట సమీపంలోని ఒక ఫామ్ హౌస్ లో అత్యంత వైభవంగా జరుగనుంది. ఈ నిశ్చితార్థానికి సుమారు రెండువేలమంది అతిథులు హాజరుకానున్నారని సమాచారం.ఇక్కడకు విచ్చేసే అతిథుల కోసం మూడంచెల భద్రతావలయాన్ని ఏర్పాటుచేశారు.
ఈ నిశ్చితార్థానికి విచ్చేసే అతిథులకు బార్ కోడింగ్ ఏర్పాటుచేశారు. వీరి నిశ్చితార్థానికి బెల్జియం నుండి పదికోట్ల ఖరీదైన వజ్రపుటుంగరాన్ని తెప్పించారు. అలాగే బ్యాంకాక్ నుండి రకరకాల పూలను కూడా తెప్పించారు. ఈ నిశ్చితార్థానికి పలువురు రాజకీయ, సినీ ప్రముఖులు హాజరుకానున్నారు. ఇది పూర్తిగా ప్రైవేట్ ఫంక్షన్ అనీ, అభిమానులెవ్వరూ రావద్దనీ, అభిమానుల కోసం మరో ఫంక్షన్ ఏర్పాటు చేస్తామనీ మెగాస్టార్ వర్గం తెలియజేస్తోంది.