ప్రముఖ దర్శకుడు పూరీ జగన్నాథ్ 2012 వరకూ ఖాళీలేకుండా బిజీగా ఉన్నాడు. ప్రస్తుతం ప్రిన్స్ మహేష్ బాబు హీరోగా, కాజల్ అగర్వాల్ హీరోయిన్ గా నిర్మిస్తున్న "బిజినెస్ మ్యాన్" సినిమాకి దర్శకత్వం వహిస్తున్నాడు. దీని తర్వాత నాగచైతన్య, యన్ టి ఆర్, రవితేజలతో సినిమాలు చేయటానికి సన్నాహాలు చేసుకుంటున్నాడు. వీటితో పాటు హిందీలో మహేష్ బాబుతో "బిజినెస్ మ్యాన్" సినిమా కూడా ప్లాన్ చేస్తున్నాడు.

మహేష్ బాబు ఈ చిత్రంతో బాలీవుడ్ లోకి తెరంగేట్రం చేస్తున్నాడు. గతంలో యన్ టి ఆర్ హీరోగా నటించిన "ఆంధ్రావాలా" చిత్రానికి పూరీ జగన్నాథ్ దర్శకత్వం వహించినా ఆ చిత్రం ఆశించిన స్థాయిలో విజయం సాధించలేదు. ఇక రవితేజ, పూరీ జగన్నాథ్ ల కాంబినేషన్ లో వచ్చిన సినిమాలన్నీ బాక్సాఫీస్ వద్ద ఘనవిజయం సాధించాయి. నాగచైతన్యతో పూరీ జగన్నాథ్ తొలిసారిగా సినిమా తీస్తున్నాడు. అయితే వీటిలో ఏది ముందు మొదలౌతుందో ఇంకా తెలియదు.