English | Telugu
దాసరికి రామ్ చరణ్ కౌంటర్
Updated : Jul 7, 2011
దాసరికి రామ్ చరణ్ కౌంటర్ ఇచ్చాడని సినీ వర్గాలంటున్నాయి. వివరాల్లోకి వెళితే ఇటీవల దర్శకరత్న, డాక్టర్ దాసరి నారాయణరావుకి మన ముఖ్యమంత్రి యన్.కిరణ్ కుమార్ రెడ్డి చేతుల మీదుగా యస్.వి.రంగారావు స్మారక అవార్డు లభించింది. ఆ సందర్భంగా మాట్లాడుతూ " నేడు హీరోల డామినేషన్ ఎక్కువయ్యింది. ఒక్క కుప్పిగంతుల డ్యాన్స్ వస్తే చాలు. నటన రాకపోయినా ఫరవా లేదు. డైలాగ్ చెప్పటం రాకపోయినా బాధలేదు హీరోలుగా చెలామణీ అయిపోతున్నారు... ఇండస్ట్రీని భ్రష్టు పట్టిస్తున్నారు. ఈ పరిస్థితి మారాలి.." అంటూ దాసరి ప్రసంగించారు.
ఈ మాటలు ఆయన ఎవర్ని ఉద్దేశించి అన్నారో అందరికీ ఇట్టే అర్థమయ్యే విషయమే. దానికి కౌంటర్ గా యువ హీరో రామ్ చరణ్ మాట్లాడుతూ " ఈ సో కాల్డ్ గ్రేట్ డైరెక్టర్లంతా స్టేజీలెక్కి ఊక దంపుడు ఉపన్యాసాలివ్వటానికి తప్ప ఇంకెందుకూ పనికిరారు. ప్రస్తుత పరిస్థితుల్లో ఒక హిట్ సినిమా తీయమనండి. వాళ్ళ వల్లకాదు. ఇలా నోటికి వచ్చినట్లు విమర్శించటం తప్ప వాళ్ళేమీ చేయలేరు" అని అన్నారు.