English | Telugu
శ్రీలంకలో తమన్నాతో రామ్ చరణ్ రచ్చ
Updated : Jun 28, 2011
శ్రీలంకలో తమన్నాతో రామ్ చరణ్ "రచ్చ" చేయనున్నాడని విశ్వసనీయవర్గాల ద్వారా అందిన సమాచారం. వివరాల్లోకి వెళితే మెగా సూపర్ గుడ్ ఫిలింస్ పతాకంపై, మెగాపవర్ స్టార్ రామ్ చరణ్ తేజ హీరోగా, మిల్కీవైట్ బ్యూటీ తమన్నా భాటియా హీరోయిన్ గా, "ఏమైందీ ఈ వేళ" ఫేం సంపత్ నంది దర్శకత్వంలో, యన్.వి.ప్రసాద్, పరాస్ జైన్ సంయుక్తంగా నిర్మిస్తున్న సినిమా "రచ్చ". ఈ రామ్ చరణ్ "రచ్చ" సినిమా షూటింగ్ హైదరాబాద్ లో ప్రారంభమై ఓ అయిదు రోజుల పాటు జరిగింది. ఈ 5 రోజుల్లో కొన్ని యాక్షన్ సీన్స్, హీరో రామ్ చరణ్ తేజ, బ్రహ్మానందంల మధ్య జరిగే కొన్ని హాస్యసన్నివేశాలనూ చిత్రీకరించారు.
జూలై మూడవ తేదీ నుండి రామ్ చరణ్ "రచ్చ" సినిమా షూటింగ్ శ్రీలంకలో జరుగనుంది. ఈ స్కెడ్యూల్లో హీరో రామ్ చరణ్ తేజ, హీరోయిన్ తమన్నా భాటియాలపై ఒక పాటను శ్రీలంకలో చిత్రీకరించనున్నారు. చిన్న సినిమా చేసిన సంపత్ నంది రామ్ చరణ్ ఇమేజ్ కి తగ్గ సినిమా తీయగలడా...? అని అనుమానాన్ని కొందరు సినీ ప్రముఖులు వ్యక్తపరిచారు. కానీ వారికి అనుమానానికి ఈ 5 రోజుల పాటు సంపత్ నంది ఈ రామ్ చరణ్ "రచ్చ" సినిమాని చిత్రీకరించిన విధానం సమాధానం చెప్పింది. ఈ రామ్ చరణ్ "రచ్చ" సినిమాకి సమీర్ రెడ్డి సినిమాటోగ్రఫీని నిర్వహిస్తూండగా, కేదార్ పరిమి పాటలనూ, పరుచూరి బ్రదర్స్ మాటలనూ, మణిశర్మ సంగీతాన్ని అందిస్తున్నారు.