English | Telugu
మెగా నిర్మాతకు షాకిచ్చిన రజనీకాంత్
Updated : Dec 9, 2014
రజనీకాంత్ హీరోగా నటించిన ‘లింగా’ సినిమా తెలుగు వెర్షన్ ఆడియో విడుదల వేడుక హైద్రాబాద్లో జరిగింది. ఈ కార్యక్రమంలో మెగా నిర్మాత అల్లు అరవింద్ కి వూహించని షాక్ తగిలింది. ఇంతకి అసలు ఏం జరిగిందంటే, ఆడియో కార్యక్రమంలో అల్లు అరవింద్ మాట్లాడుతూ 'రజినీకాంత్ తో సినిమా చేయాలని చాలా కాలంగా అనుకుంటున్నాను. ఆయన ఒప్పుకుంటే నెక్స్ట్ సినిమా తీయాలనుకుంటున్నానని' అన్నారు. దీనికి సమాధానంగా రజనీకాంత్ చేసిన కామెంట్ కి అల్లు అరవింద్ ఒకింత షాక్కి గురవ్వాల్సి వచ్చింది. 'నా నెక్స్ట్ మూవీ గురించి అల్లు అరవింద్ అడుగుతున్నారు. కథ దొరకాలి కదా. ముందు మీ చిరంజీవిగారి సంగతి చూడండి. పాపం ఆయన 150వ సినిమా కోసం అభిమానులు చాలా ఆసక్తిగా ఎదురుచూస్తున్నారు'' అని అనేశారు. దీంతో ఆడియోకి వచ్చిన పెద్దలంతా ఒక్కసారిగా నవ్వేశారు. సూపర్ స్టార్ ఇచ్చిన సమాధానానికి అవాక్కయిన అరవింద్..తాను కూడా ఓ చిరునవ్వు చిందించారు. మరి సూపర్ స్టార్ ఆడియోలో మాట్లాడేటప్పుడు జాగ్రత్తగా వుండాలి కదా, లేకపొతే ఇలాంటి షాక్ లే తగులుతాయి.