"క్షేత్రం" చిత్రంలో ప్రముఖ హీరోయిన్ ప్రియమణి జేజమ్మేనంటున్నారు ఆ చిత్రం యూనిట్. వివరాల్లోకి వెళితే గతంలో ప్రముఖ సీనియర్ దర్శకులు కోడి రామకృష్ణ దర్శకత్వంలో, శ్యాం ప్రసాద రెడ్డి నిర్మించిన "అరుంధతి" చిత్రంలో హీరోయిన్ అనుష్క ధరించిన "జేజెమ్మ" పాత్ర ఎంతటి శక్తివంతమైనదో, ఆ పాత్రలో నటించిన తర్వాత అనుష్కకు ఎంతటి పేరు ప్రఖ్యాతులు లభించాయో అందరికీ తెలిసిందే.

అలాగే "క్షేత్రం" చిత్రంలో కూడా ప్రముఖ హీరోయిన్ ప్రియమణి అటువంటి శక్తివంతమైన పాత్రలోనే నటిస్తుందనీ ఈ "క్షేత్రం" చిత్రం యూనిట్ అంటూంది. ఈ చిత్రంలో ప్రియమణి పాత్ర పేరు "నాగ పెంచలమ్మ" అని తెలిసింది. ఈ చిత్రంలో ప్రియమణి జగపతి బాబు సరసన హీరోయిన్ గా నటిస్తూంది. ఈ చిత్రంలో జగపతి బాబు వీరనరసింహ రాయలుగా నటిస్తున్నారు. ఈ "క్షేత్రం" సినిమా ఏప్రెల్ ఆరవ తేదీ నుండి రామోజీ ఫిలిం సిటీలో షూటింగ్ జరుపుకోనుంది.