English | Telugu
'దేవర' వర్సెస్ 'సలార్'.. బిగ్గెస్ట్ బాక్సాఫీస్ వార్!
Updated : Sep 21, 2023
ఈ సెప్టెంబర్ 28న విడుదల కావాల్సిన 'సలార్ పార్ట్ -1' వాయిదా పడిన సంగతి తెలిసిందే. మొదట ఈ సినిమా ఈ ఏడాది నవంబర్ లేదా డిసెంబర్ లో విడులయ్యే అవకాశముంది అన్నారు. ఆ తర్వాత వచ్చే ఏడాది సంక్రాంతి అన్నారు. ఇప్పుడేమో వచ్చే ఏడాది వేసవిలో అంటున్నారు. అదే నిజమైతే వచ్చే సమ్మర్ కి బిగ్గెస్ట్ బాక్సాఫీస్ వార్ చూడబోతున్నాం.
'సలార్'ని 2024, మార్చి చివరిలో లేదా ఏప్రిల్ లో విడుదల చేయాలని చూస్తున్నారట. అయితే ఇప్పటికే ఏప్రిల్ 5 తేదీపై 'దేవర' టీం కర్చీఫ్ వేసింది. నవంబర్ కల్లా షూటింగ్ పూర్తి చేసి, ఏప్రిల్ 5 కే విడుదల చేసేలా పక్కా ప్లానింగ్ తో దేవర టీం వెళ్తోంది. అయితే ఇప్పుడు సలార్ టీం కూడా అదే టైంకి రావాలని చూస్తోందట. అదే జరిగితే అసలుసిసలైన మాస్ బాక్సాఫీస్ పోరు చూడనున్నాం.
'ఆర్ఆర్ఆర్' తర్వాత జూనియర్ ఎన్టీఆర్ నటిస్తున్న సినిమా కావడంతో 'దేవర'పై భారీ అంచనాలు ఉన్నాయి. పైగా ఈ చిత్రం భారీ బడ్జెట్ తో బాలీవుడ్ స్టార్స్, హాలీవుడ్ టెక్నీషియన్స్ తో రూపొందుతోంది. ఇక 'బాహుబలి-2' తర్వాత ప్రభాస్ వరుస ఫ్లాపుల్లో ఉన్నప్పటికీ.. కేజీఎఫ్ ఫేమ్ ప్రశాంత్ నీల్ తో చేస్తున్న సినిమా కావడంతో 'సలార్'పై అంచనాలు ఓ రేంజ్ లో ఉన్నాయి. ఈ సినిమా ఎప్పుడొచ్చినా బాక్సాఫీస్ దగ్గర కలెక్షన్ల సునామీ సృష్టించడం ఖాయమనే అంచనాలున్నాయి. అంతటి భారీ అంచనాలున్న 'దేవర', 'సలార్' సినిమాలు తలపెడితే ఆ పోరు ఎలా ఉంటుందో మాటల్లో వర్ణించలేము.