English | Telugu
ఇది అసలు సిసలు సంక్రాంతి అంటే.. డార్లింగ్ వింటేజ్ లుక్ అదిరింది!
Updated : Jan 14, 2024
వింటేజ్ డార్లింగ్ ని చూడటం కోసం రెబల్ స్టార్ ప్రభాస్ ఫ్యాన్స్ ఎంతగానో ఎదురు చూస్తున్నారు. ఎట్టకేలకు ఆ రోజు రానే వచ్చింది. ఈ సంక్రాంతికి లుంగీ కట్టి మరీ రాజా లాగా ఎంట్రీ ఇచ్చాడు ప్రభాస్.
మారుతి దర్శకత్వంలో ప్రభాస్ ఓ సినిమా చేస్తున్న సంగతి తెలిసిందే. పీపుల్ మీడియా ఫ్యాక్టరీ నిర్మిస్తున్న ఈ మూవీ నుంచి సంక్రాంతి కానుకగా టైటిల్, ఫస్ట్ లుక్ ను రివీల్ చేశారు. ఈ సినిమాకి 'రాజా డీలక్స్' అనే టైటిల్ ప్రచారంలో ఉండగా.. మేకర్స్ మాత్రం 'ది రాజా సాబ్' అనే టైటిల్ ను అనౌన్స్ చేశారు. ఇక ఈ 'రాజా సాబ్' నుంచి రిలీజ్ చేసిన ప్రభాస్ ఫస్ట్ లుక్ కూడా అదిరిపోయింది. లుంగీ కట్టుకుని ప్రభాస్ స్టైల్ గా ఉన్నాడు. క్లాస్, మాస్ కలగలిసి వింటేజ్ ప్రభాస్ ని గుర్తు చేస్తుంది ఈ పోస్టర్. లుక్, గెటప్ చూస్తుంటే ఇది పాన్ ఇండియా స్టార్ ప్రభాస్ సినిమా కాదు.. మన డార్లింగ్ సినిమా అనుకునేలా ఉంది.
తమన్ సంగీతం అందిస్తున్న ఈ సినిమా తెలుగుతో పాటు హిందీ, తమిళ్, కన్నడ, మలయాళ భాషల్లో విడుదల కానుంది. ఈ ఏడాదే ఈ సినిమాని విడుదల చేయడానికి సన్నాహాలు చేస్తున్నారు.