English | Telugu
నాగార్జునకి డిసెంబర్ వర్క్ అవుట్ అవుతుందా..?
Updated : Sep 8, 2015
మనం చిత్రంతో కథల ఎంపికలో తన పంథాను నాగార్జున మార్చుకున్న సంగతి తెలిసిందే. వైవిధ్యంతో కూడిన కథాంశాలకే ప్రాధాన్యతనివ్వాలని నిశ్చయించుకున్నారు. అందులో భాగంగా.. ఆయన హీరోగా నటిస్తున్న తాజా చిత్రం సోగ్గాడే చిన్ని నాయనా. ప్రస్తుతం ఈ సినిమా చివరి షెడ్యూల్ షూటింగ్ హైదరాబాద్ లో జరుగుతోంది. సోగ్గాడే చిన్ని నాయన చిత్రానికి కల్యాణ్ కృష్ణ దర్శకత్వం వహిస్తున్నారు. ఈ చిత్రంలో నాగార్జున తాత, మనవడు పాత్రల్లో డ్యూయెల్ రోల్ చేస్తున్నాడు. ఈ రెండు పాత్రలకు రమ్యకృష్ణ, లావణ్య త్రిపాఠి (‘అందాల రాక్షసి' ఫేం) కథానాయికలుగా నటిస్తున్నారు.
నాగార్జున సరసన అనసూయ మరదలి పాత్రలో నటిస్తోంది. సినిమాలో నాగార్జున, అనసూయల మధ్య బావా మరదళ్ల సరసాలు, రొమాంటిక్ సీన్లు ఉంటాయని టాక్. నాగార్జునతో కలిసి ఓ పాటలో ఆమె డాన్స్ కూడా చేస్తుందట. హాట్ అండ్ సెక్సీ లేడీ, ఐటం గర్ల్ హంసా నందిని కీలక పాత్రలో కనిపించనుంది. తాజా సమాచారం ప్రకారం ఈ సినిమాని డిసెంబర్ లో రిలీజ్ చెయ్యడానికి నాగార్జున మరియు అతని ప్రొడక్షన్ టీం ప్లాన్ చేసినట్లు సమాచారం.
ప్రస్తుతం ఈ చిత్ర టీం డిసెంబర్ లో సరైన రిలీజ్ డేట్ ని ఫైనలైజ్ చేసే పనిలో ఉన్నారు. నాగార్జున కెరీర్లో చాలా హిట్ సినిమాలు అదే నెలలో వచ్చి సూపర్ హిట్స్ గా నిలిచాయి. కావున ఈ సెంటిమెంట్ కూడా నాగార్జునకి పర్ఫెక్ట్ గా వర్క్ అవుట్ అవుతుందని నాగార్జున భావిస్తున్నాడు.