పాట తప్ప మనోజ్ "మిస్టర్ నోకియా" పూర్తయిందని ఈ చిత్రం యూనిట్ తేలిపింది. వివరాల్లోకి వెళితే రాకింగ్ స్టార్ మంచు మనోజ్ కుమార్ హీరోగా, అని (అనిల్ కృష్ణ) దర్శకత్వంలో, డి.యస్.రావు నిర్మిస్తున్న చిత్రం "మిస్టర్ నోకియా". ఈ చిత్రానికి ప్రముఖ రచయిత లక్ష్మీ భూపాల్ మాటలు వ్రాశారు. ఈ చిత్రం షుటింగ్ మొత్తం పూర్తయిందనీ, ఒక పాట మాత్రమే చిత్రీకరించాల్సి ఉందనీ, అది కూడా త్వరలోనే పూర్తిచేస్తామనీ ఈ చిత్రం యూనిట్ తెలిపింది.

బ్యాంకాక్ లో తీసిన యాక్షన్ సీన్లు చిత్రానికి హైలైట్ గా నిలుస్తాయనీ, ఒక విభిన్నమైన కథతో నిర్మిస్తున్న ఈ "మిస్టర్ నోకియా" చిత్రాన్ని దర్శకుడు అని చాలా బాగా తీస్తున్నారనీ తెలిసింది. ఈ "మిస్టర్ నోకియా" చిత్రాన్ని డిసెంబర్ చివరి వారంలో ఆడియో విడుదల చేసి, చిత్రాన్ని2012 జనవరిలో విడుదల చేయటానికి ఈ చిత్ర నిర్మాత డి.యస్.రావు సన్నాహాలు చేస్తున్నారు.