English | Telugu
నటి విద్యాబాలన్ పై కేసు
Updated : Dec 10, 2011
ప్రముఖ బాలీవుడ్ హీరోయిన్ విద్యాబాలన్ మీద కేసు పెడుతున్నారు. అదికూడా పోలీసులు పెట్టాల్సి వచ్చింది. వివరాల్లోకి వెళితే ప్రముఖ డ్యాన్సర్, నటి సిల్క్ స్మిత జీవిత చరిత్ర ఆధారంగా, విద్యా బాలన్ ఆమె పాత్రలో నటించగా, మిలన్ లుథాచియా దర్శకత్వంలో, జితేంద్ర కూతురు ఏక్తా కపూర్ "డర్టీ పిక్చర్" అనే సినిమా నిర్మించారు. ఈ సినిమా తాలూకు పోస్టర్లు కానీ, ఈ చిత్రం ట్రైలర్లు కానీ స్త్రీలను అవమానించే విధంగా ఉన్నాయని అనేక మహిళా సంఘాలు, లాయర్లూ మండిపడుతున్నారు.
వారు కోర్టులో వేసిన కేసు ఫలితంగా కోర్టువారు IPC "ది ఇన్ డీసెంట్ రిప్రజెంటేషన్ ఆఫ్ ఉమెన్" చట్టం ప్రకారం విద్యాబాలన్ పై డిసెంబర్ 31 లోగా కేసు నమోదు చేసి, నివేదికను కోర్టు వారికి సమర్పించాలనీ కోర్టు ఆదేశించింది. అంతే కాదు ఈ చిత్ర నిర్మాత ఏక్తా కపూర్, దర్శకుడు మిలన్ లుథాచియాలపై కూడా కేసులు నమోదుచేయాల్సిందిగా కోర్టు వారు పోలీసులను ఆదేశించారు.