English | Telugu
వర్మకు కలెక్షన్ కింగ్ ప్రశంసలు
Updated : Mar 10, 2014
రాంగోపాల్ వర్మ దర్శకత్వంలో మోహన్ బాబు, విష్ణు ప్రధాన పాత్రల్లో నటిస్తున్న చిత్రం "రౌడీ". ఈ సినిమా గురించి మోహన్ బాబు ట్విట్టర్ ద్వారా తన అభిప్రాయాన్ని పంచుకున్నారు. "సినిమా ఆరంభం నుండి చివరి వరకు రషెస్ చూశాను. వర్మ దర్శకత్వ ప్రతిభ, సాంకేతికంగా అతనికున్నా అపారమైన అవగాహనకు హ్యాట్సాఫ్. మంచి ఆరోగ్యంతో తను నిండు నూరేళ్ళు బతకాలి" అని తెలిపారు.
ఇటీవలే విడుదలైన ట్రైలర్ కు మంచి స్పందన వస్తుంది. ఇందులో "సింహం అవ్వాలని ప్రతీ కుక్కకి ఉంటుంది... వీధిలో మొరగడానికి, అడవిలో గర్జించడానికి చాలా తేడా ఉంటుంది." వంటి డైలాగ్స్ అదరగొడుతున్నాయి. పార్థసారధి, గజేంద్ర, విజయ్ కుమార్ సంయుక్తంగా నిర్మించిన ఈ చిత్రంలో జయసుధ, శాన్వి కథానాయికలుగా నటించారు. ఈ చిత్రాన్ని ఈనెల 28న విడుదల చేయడానికి సన్నాహాలు చేస్తున్నారు.