మార్చ్ లో రవితేజ, పూరీల "2 ఇడియట్స్" ప్రారంభం కానుందని విశ్వసనీయవర్గాల ద్వారా అందిన సమాచారం. వివరాల్లోకి వేళితే శ్రీవెంకటేశ్వర సినీ చిత్ర పతాకంపై, మాస్ మహరాజా రవితేజ హీరోగా, నలకనడుము గోవాభామ ఇలియానా హీరోయిన్ గా, డైనమిక్ డైరెక్టర్ పూరీ జగన్నాథ్ దర్శకత్వంలో, బి.వి.యస్.యన్.ప్రసాద్ నిర్మించనున్నారట. ఈ "2 ఇడియట్స్" చిత్రం యదార్థానికి గతంలో ఇదే రవితేజ హీరోగా, రక్షిత హీరోయిన్ గా, ఇదే పూరీ జగన్నాథ్ దర్శకత్వంలో వచ్చిన సూపర్ హిట్ చిత్రం "ఇడియట్"కి సీక్వెల్ గా "2 ఇడియట్స్"ని తీస్తున్నారట.

అయితే "కిక్" సినిమాలో ఇలియానా, రవితేజల పాత్రలే ఈ "2 ఇడియట్స్" చిత్రానికి స్ఫూర్తి అని విశ్వసనీయవర్గాలద్వారా అందిన సమాచారం. ఈ చిత్రం మార్చిలో ప్రారంభమయ్యే అవకాశాలున్నాయట. ఈ "2 ఇడియట్స్" చిత్రానికి ప్రముఖ గాయకుడు, సంగీత దర్శకుడు అయిన రఘు కుంచె సంగీతం అందించే అవకాశాలున్నాయని ఫిలిం నగర్ వాసులంటున్నారు.