English | Telugu
'మేరీకోమ్' అఫిషియల్ టీజర్ విడుదల
Updated : Jul 19, 2014
లగాన్ సినిమా మొదలుకొని బాలీవుడ్ లో ఆటలను ముఖ్యాంశంగా చేసుకుని చక్కటి చిత్రాలు రూపొందిస్తున్నారు. ఆ కోవలో వచ్చిని ఛక్ దే, బాగా మిల్కా బాగ్ చిత్రాలు ఘనవిజయాలు సాధించాయి. నిర్మాణ పరంగా చక్కటి విలువలతో రూపొందిన ఈ సినిమాలు అభిమానుల నుంచి మంచి రెస్పాన్స్ పొందగలిగాయి. అలాగే బాక్స్ ఆఫీస్ వద్ద కూడా మంచి కలెక్షన్స్ రాబట్టుకోగలిగాయి.
ఈ నేపథ్యంలో తెరకెక్కుతున్న మరో చిత్రం మేరీకోమ్. ఒలింపిక్ బాక్సింగ్ క్రీడాకారిణి మేరీకోమ్ జీవితకథ ఆధారంగా నిర్మిస్తున్న ఈ చిత్రం అఫిషియల్ ట్రెయిలర్ విడుదలైంది.
జూలై 18 ప్రియాంక చోప్రా పుట్టినరోజు. ఈ సందర్భంగా విడుదలైన ఈ టీజర్ ఆమె అభిమానులకు ఎంతో సంతోషాన్ని కలిగించింది. చిత్రంలో ఆమె పాత్ర ఎంత సీరియస్ గా వుండబోతుందో ఈ టీజర్ చూసి అంచనాకి రావచ్చు. ట్రెయిలర్ హాలీవుడ్ స్థాయికి తక్కువ కాకుండా వుండటం విశేషం. ఈ ట్రెయిలర్ సెప్టెంబర్ 5న విడుదల కానున్న ఈ చిత్రం పై అంచనాలు మరింత పెంచేసింది అనటంలో సందేహం లేదు.