English | Telugu
వేసవిలో నరేష్, పవిత్ర 'మళ్ళీ పెళ్లి'
Updated : Mar 24, 2023
పెళ్లి వార్తలతో సీనియర్ నటుడు నరేష్, పవిత్ర లోకేష్ పేర్లు కొంతకాలంగా తెగ వినిపిస్తున్నాయి. అయితే ఇప్పుడు 'మళ్ళీ పెళ్లి' అంటూ కొత్త సినిమాని ప్రకటించి అందరినీ ఆశ్చర్యపరిచారు. తెలుగు, కన్నడ భాషల్లో రూపొందుతోన్న ఈ చిత్రానికి ఎం.ఎస్. రాజు దర్శకత్వం వహిస్తున్నారు. ఈ చిత్రాన్ని విజయకృష్ణ మూవీస్ బ్యానర్ పై నరేష్ నిర్మిస్తుండటం విశేషం.
'మళ్ళీ పెళ్లి' మూవీ ఫస్ట్ లుక్ ని శుక్రవారం విడుదల చేశారు. పవిత్ర ముగ్గు వేస్తుండగా, చిరునవ్వు చిందిస్తూ నరేష్ తిలకిస్తున్న పోస్టర్ కలర్ ఫుల్ గా ఉంది. అలాగే పోస్టర్ లో ఈ చిత్రాన్ని ఈ వేసవిలోనే విడుదల చేయబోతున్నట్లు తెలిపారు. కాగా 50 ఏళ్ళ క్రితం సూపర్ స్టార్ కృష్ణ, విజయ నిర్మల కలిసి 'మళ్ళీ పెళ్లి' అనే చిత్రంలో నటించగా.. ఇప్పుడదే టైటిల్ తో నరేష్ సినిమా చేయడం ఆసక్తికరంగా మారింది. మరి ఈ సినిమాతో ఆయన ఎలాంటి ఫలితాన్ని అందుకుంటాడో చూడాలి.