English | Telugu
కొత్త రూపంతో మ్యాడ్ మూవీ..యూత్ కి కిక్కే కిక్కు
Updated : Nov 3, 2023
యంగ్ టైగర్ ఎన్టీఆర్ బావమరిది నార్నే నితిన్ అండ్ రామ్ నితిన్, సంగీత్ శోభన్ ,అనంతిక ,గౌరీ ప్రియ తదితరులు నటించిన సూపర్ సూపర్ హిట్ మూవీ మ్యాడ్. నూతన దర్శకుడు కళ్యాణ్ శంకర్ దర్శకత్వం లో తెరకెక్కిన మ్యాడ్ మూవీ గత నెలలో రిలీజ్ అయ్యి సంచలన విజయం సాధించింది. యూత్ మొత్తం మ్యాడ్ కి దాసోహమయ్యింది. ఇప్పుడు మ్యాడ్ మూవీ కి సంబంధించిన ఒక నయా వార్త యూత్ ని సినీ అభిమానులని ఆనందంలో ముంచెత్తుతుంది.
మ్యాడ్ మూవీ ఈ రోజు నుంచి యూత్ కి మరింత చేరువ కాబోతుంది. ప్రముఖ ఓటిటి సంస్థ నెట్ ఫ్లిక్స్ ద్వారా ఈ రోజు అందరి ఇళ్లలోకి అడుగుపెట్టబోతుంది. ప్రపంచ వ్యాప్తంగా గతనెల అక్టోబర్ 6 న నెంబర్ ఆఫ్ థియేటర్స్ లో రిలీజ్ అయిన మ్యాడ్ మూవీ ముందుగా చేసుకున్న ఒప్పందం ప్రకారం ఇప్పుడు ఓటిటి లోకి అడుగుపెట్టింది.
హిట్ చిత్రాల నిర్మాత సూర్యదేవర నాగ వంశీ నిర్మాణ సారథ్యం లో తెరకెక్కిన మ్యాడ్ మూవీ యూత్ తో పాటు అన్ని వర్గాల ప్రేక్షకులని అలరించి మంచి వసూళ్లనే సాధించింది. మూవీలో నటించిన వాళ్ళందరూ కొత్త వాళ్ళయినా కూడా సూపర్ గా నటించి సినిమా ఘన విజయం సాధించడంలో కీలక పాత్ర పోషించారు.మ్యాడ్ మూవీ రిలీజ్ అయిన అన్ని థియేటర్లలో కూడా రికార్డు స్థాయి కలెక్షన్స్ ని కొల్లగొట్టింది. థియేటర్ లో ఎంజాయ్ చేసిన యూత్ కి ఇప్పుడుమ్యాడ్ మూవీ నయా రూపంతో కిక్కు రావడం పక్కా.