విజయ్‌, లోకేష్‌ కనకరాజ్‌ కాంబినేషన్‌లో వచ్చిన ‘లియో’ చిత్రం వరల్డ్‌వైడ్‌గా సూపర్‌హిట్‌ టాక్‌ తెచ్చుకొని రూ.540 కోట్లు కలెక్షన్‌ సాధించిన విషయం తెలిసిందే. ఇప్పుడు ఈ సినిమా మరోసారి కలెక్షన్లు కొల్లగొట్టే అవకాశం ఉంది. ఎందుకంటే మళ్లీ ఈ సినిమా థియేటర్లలోకి రాబోతోంది. ప్రేక్షకుల కోరిక మేరకు లియో మేకర్స్‌ ఒక సంచలన నిర్ణయం తీసుకున్నారు. అదే ‘లియో’ చిత్రాన్ని నవంబర్‌ 3న మరోసారి రిలీజ్‌ చెయ్యాలని. ఈ సినిమాకి 15 సెన్సార్‌ కట్స్‌ పడ్డాయి. ఆ కట్స్‌ వల్లే ఈ సినిమాకి యు/ఎ సర్టిఫికెట్‌ వచ్చింది. అందుకే ఈ సినిమా అందరూ చూసే విధంగా ఉంది.

ఈ సినిమా రిలీజ్‌ అయిన రోజు నుంచే విజయ్‌ ఒక మాట చెప్తూ వస్తున్నారు. అదేమిటంటే ఈ సినిమాని కట్స్‌ లేకుండా రిలీజ్‌ చేసి ఉంటే బాగుండేది అని. ఫ్యాన్స్‌ కోరికను మన్నించిన మేకర్స్‌ ఎలాంటి సెన్సార్‌ కట్స్‌ లేకుండా ‘లియో’ చిత్రాన్ని విడుదల చేస్తామని అధికారికంగా ప్రకటించారు. నవంబర్‌ 3 నుంచి ఈ సినిమాని సెన్సార్‌ కట్స్‌ లేకుండా ప్రదర్శిస్తారు. అయితే ఈ సినిమాని 18 ఏళ్ళు పైబడినవారు మాత్రమే చూసే అవకాశం ఉంది. ఈ విషయంలో కఠినంగా వ్యవహరిస్తామని చెబుతున్నారు. ఈ నిర్ణయం వల్ల ‘లియో’ సినిమా మరో అరుదైన రికార్డును క్రియేట్‌ చేసింది. యూకేలో 18 ప్లస్‌ క్లాసిఫికేషన్‌తో విడుదలవుతున్న తొలి తమిళ చిత్రంగా నిలవనుంది. ఇప్పటికే భారీ కలెక్షన్లు సాధించిన ఈ సినిమా సెన్సార్‌ కట్స్‌ లేకుండా మరోసారి బాక్సాఫీస్‌ వద్ద సంచలనం సృష్టించే అవకాశం ఉంది. ఆల్రెడీ సినిమాను చూసిన వారు కూడా ఈ కొత్త వెర్షన్‌ను చూసేందుకు ఎగబడతారు. దాంతో కలెక్షన్లు ఏ స్థాయిలో ఉంటాయో ఊహించుకోవచ్చు.