నటుడిగా మారనున్న మరో రచయిత కోన వెంకట్ అని ఫిలిం నగర్ వర్గాలంటున్నాయి. వివరాల్లోకి వెళితే ఢీ, రెడీ వంటి సూపర్ హిట్‍ చిత్రాలకు కథలనందించిన, ప్రముఖ సినీ రచయిత కోన వెంకట్ త్వరలో నటుడిగా వెండితెర మీద కనిపించబోతున్నాడు. స్రవంతీ మూవీస్ పతాకంపై, చురుకైన యువ హీరో రామ్ హీరోగా, మిల్కీవైట్ బ్యూటీ తమన్నా భాటియా హీరోయిన్ గా, "తొలిప్రేమ"ఫేం కరుణాకరన్ దర్శకత్వంలో, స్రవంతి రవికిశోర్ నిర్మిస్తున్న సినిమా "ఎందుకంటే ప్రేమంట".

ఈ సినిమాకి కోన వెంకట్ కథ, మాటలు అందిస్తున్నారు. ఈ సినిమాతోనే కోన వెంకట్ నటుడిగా తెరంగేట్రం చేయనున్నారు. ఈ సినిమాలో కోన వెంకట్ విలన్ గా నటించనున్నారు. దీనిమీద కోన వెంకట్ స్పందిస్తూ "ఎక్కడో బాలీవుడ్ నుండో లేక తమిళ, మళయాళ, కన్నడ సినీ పరిశ్రమల నుండో విలన్లను దిగుమతి చేసుకోకుండా తెలుగు వ్యక్తే విలన్ గా నటిస్తే నిర్మాతలకు సౌకర్యవంతంగా ఉంటుందని నేను భావిస్తున్నాను. అందుకే నటించాలని నిర్ణయం తీసుకున్నాను.