English | Telugu
కొత్త చరిత్రను సృష్టించేందుకు రెడీ అవుతున్న ‘కాంతార’ చాప్టర్ 1
Updated : Nov 27, 2023
చిన్న సినిమాగా విడుదలై సంచలన విజయం సాధించి అందరి దృష్టినీ ఆకర్షించిన సినిమా ‘కాంతార’. రిషబ్శెట్టి హీరోగా నటించి దర్శకత్వం వహించిన ఈ సినిమాను హాంబలే ఫిలింస్ పతాకంపై విజయ్ కిరగంధుర్ కన్నడలో నిర్మించారు. ఆ తర్వాత తెలుగులోనూ ఈ సినిమా విడుదలై ఇక్కడ కూడా పెద్ద హిట్గా చిలిచింది. అన్నివర్గాల ప్రేక్షకులను విశేషంగా ఆకట్టుకున్న ఈ సినిమాకి ప్రీక్వెల్ ఉంటుందని గతంలోనే ప్రకటించారు మేకర్స్. ‘కాంతార’ చాప్టర్1 పేరుతో ఎంతో ప్రతిష్టాత్మక నిర్మిస్తున్న ఈ సినిమా కన్నడ, తెలుగు, తమిళ్, మలయాళ, హిందీ, బెంగాలి, ఇంగ్లీష్ భాషల్లో రిలీజ్ కానుంది.
కాగా, ఈ సినిమాకి సంబంధించిన టీజర్ను నవంబర్ 27న విడుదల చేశారు. అద్భుతమైన బ్యాక్డ్రాప్తో, ఇంట్రెస్ట్ను క్రియేట్ చేసే విధంగా వుందీ టీజర్. బి.అజనీష్ లోకనాథ్ బ్యాక్గ్రౌండ్ స్కోర్ ఓ లెవల్లో ఉంది. టీజర్తోనే సినిమాపై ఇంట్రెస్ట్ని క్రియేట్ చేశాడు దర్శకు రిషబ్ శెట్టి. ‘కాంతార’ను మించి చాప్టర్1ను తెరకెక్కిస్తున్నారని టీజర్ చూస్తేనే తెలుస్తుంది. ‘కాంతార’ చాప్టర్1తో మరో కొత్త కాన్సెప్ట్ ప్రేక్షకుల ముందుకు రాబోతోంది. తప్పకుండా ఈ సినిమా మరో చరిత్రను సృష్టిస్తుందని అందరూ భావిస్తున్నారు.