"హిందీ మగధీరకు నేను కాదు" అంటున్న రాజమౌళి. తెలుగులో గీతా ఆర్ట్స్ పతాకంపై,రామ్ చరణ్ తేజ రెండవ చిత్రంగా, కాజల్ అగర్వాల్ హీరోయిన్ గా, రాజమౌళి దర్శకత్వంలో, అల్లు అరవింద్ నిర్మించగా, బాక్సాఫీస్ చరిత్రను తిరగరాసిన ఆల్ టైమ్ హిట్ చిత్రం"మగధీర".ఈ చిత్రాన్ని హిందీలో రణబీర్ కపూర్ హీరోగా పునర్నిర్మిస్తున్నారు.ఈ చిత్రానికి కూడా రాజమౌళే దర్శకత్వం వహిస్తారని ముందుగా వినపడింది. దీన్ని ఖండిస్తూ "హిందీ మగధీరకు నేను దర్శకత్వం వహించటం లేదు. మధుమంతెన హిందీలో మగధీర తీస్తున్నారట. ఆయనెవరో నాకు తెలీదు. నేను వేరే సినిమాలతో బిజీగా ఉన్నాను."అని స్టేట్ మెంటిచ్చాడు రాజమౌళి. మరి రాజమౌళి రేంజ్ లో ఈ చిత్రం హిందీ మగధీర కి న్యాయం చేయగల వారెవరో మరి. హిందీలో అల్లు అరవింద్, మధు మంతెన కలసి "గజిని" చిత్రాన్ని అమీర్ ఖాన్ హీరోగా హిందీలో నిర్మించారు.మరి ఈ హిందీ మగధీరను ఎవరు నిర్మిస్తారో, ఎవరు దర్శకత్వం వహిస్తారో తెలియాల్సి ఉంది.
