English | Telugu
దర్శకుడు బాలచందర్ కన్నుమూత
Updated : Dec 23, 2014
ప్రముఖ దర్శకుడు కె.బాలచందర్ కన్నుమూశారు. ఆయన వయసు 84 సంవత్సరాలు. తీవ్ర అస్వస్థతకు గురైన బాలచందర్ గత కొన్ని రోజులుగా చెన్నైలోని ఓ ఆస్పత్రిలో ఐసీయులో చికిత్స పొందుతూ మంగళవారం సాయంత్రం కన్నుమూశారు. బాలచందర్ వృద్ధాప్య కారణంగా పలు అనారోగ్య సమస్యలను ఎదుర్కొంటున్నారు. వృద్ధాప్యం, అనారోగ్యానికి తోడు కొద్ది రోజుల క్రితం బాలచందర్ కుమారుడు కైలాసం మరణించారు. అప్పటి నుంచి బాలచందర్ మరింత క్రుంగిపోయారు.
భారతీయ సినిమా చరిత్రలో నిలిచిపోయే అదర్భుతమైన సినిమాలను బాలచందర్ రూపొందించారు. తమిళంతోపాటు తెలుగు చిత్రాలకు కూడా ఆయన దర్శకత్వం వహించారు. రజనీకాంత్, కమల్ హాసన్ వంటి నటుల కెరీర్లను తీర్చిదిద్దింది బాలచందరే. సినిమా రంగానికి విశేష సేవలు చేసిన కె.బాలచందర్ని పద్మశ్రీ, కలైమామణి, దాదాసాహెబ్ ఫాల్కే అవార్డులు వరించాయి. బాలచందర్ మరణంతో భారతీయ సినిమా రంగంలో ఒక శకం ముగిసింది.