English | Telugu
మెగా ఫ్యాన్స్ ఎదురుచూపులు ఫలించాయి.. 'గేమ్ ఛేంజర్' నుంచి బిగ్ అప్డేట్!
Updated : Oct 11, 2023
మెగా పవర్ స్టార్ రామ్ చరణ్ హీరోగా స్టార్ డైరెక్టర్ శంకర్ దర్శకత్వంలో రూపొందుతోన్న సినిమా 'గేమ్ ఛేంజర్'. శ్రీవెంకటేశ్వర క్రియేషన్స్ బ్యానర్ పై దిల్ రాజు భారీ బడ్జెట్ తో నిర్మిస్తున్న ఈ మూవీలో కియారా అద్వాణీ హీరోయిన్. రామ్ చరణ్, శంకర్ కాంబినేషన్ లో వస్తున్న మొదటి సినిమా కావడంతో 'గేమ్ ఛేంజర్'పై భారీ అంచనాలు ఉన్నాయి. అయితే 'ఇండియన్-2' కారణంగా 'గేమ్ ఛేంజర్' షూటింగ్ ఆలస్యమవుతూ వచ్చింది. రీసెంట్ గా కొత్త షెడ్యూల్ హైదరాబాద్ లో మొదలైంది. దీంతో మెగా ఫ్యాన్స్ కాస్త ఆనందంగా ఉన్నారు. అయితే ఇప్పుడు మెగా ఫ్యాన్స్ ఆనందాన్ని రెట్టింపు చేసేలా క్రేజీ అప్డేట్ వినిపిస్తోంది.
'గేమ్ ఛేంజర్'కి థమన్ సంగీతం అందిస్తున్నాడు. ఈ సినిమా నుంచి మొదటి సాంగ్ ను దసరాకు విడుదల చేయాలని మేకర్స్ ప్లాన్ చేస్తున్నారట. ఇప్పటికే ఆ సాంగ్ లీక్ అయ్యి కొందరు విన్నారు కూడా. ఆ సాంగ్ పై మిశ్రమ స్పందన వచ్చింది. అయితే అది రఫ్ వెర్షన్ మాత్రమే అని, ఫైనల్ అవుట్ పుట్ అదిరిపోతుందని సన్నిహిత వర్గాలు చెబుతున్నాయి. దసరాకి ఈ సాంగ్ విడుదలయ్యాక ఇన్ స్టాంట్ చార్ట్ బస్టర్ కావడం ఖాయమని అంటున్నారు. మొన్నటిదాకా 'గేమ్ ఛేంజర్'కి సంబంధించి ఎలాంటి అప్డేట్ లేక నిరాశలో ఉన్న ఫ్యాన్స్ కి.. ఇప్పుడు కొత్త షెడ్యూల్ మొదలవ్వడం, ఫస్ట్ సింగల్ దసరాకు వస్తుందనే న్యూస్ రావడం ఫుల్ హ్యాపీనెస్ ఇస్తుంది అనడంలో సందేహం లేదు.