English | Telugu
బాహుబలి సెట్లో.. సమ్మె సైరన్
Updated : Oct 20, 2014
ఫెడరేషన్కీ, ఫిల్మ్ఛాంబర్కీ మధ్య సయోధ్య కుదర్లేదు. దాంతో ఎక్కడి షూటింగులు అక్కడే బంద్ అయ్యాయి. ''మా జీతాలు డబుల్ చేయాల''ని ఫెడరేషన్ - అది మా వల్ల కాదని నిర్మాతలు గత వారం రోజులుగా వాదించుకొంటున్న సంగతి తెలిసిందే. దాంతో కార్మికులు సమ్మెకు దిగారు. కార్మికుల అభ్యర్థన ప్రకారం జీతాలు పెంచి తమ షూటింగుకి ఎలాంటి ఆటంకం రాకుండా చూసుకొంది బాహుబలి టీమ్. అయితే ఇప్పుడా పప్పులు ఉడకడం లేదు. బాహుబలి షూటింగ్ని కూడా ఆపాలని ఫెడరేషన్ పిలుపునిచ్చింది. సినిమాని బట్టి వేతనాలు అందుకోవడం సరికాదని, అందరికీ ఒకే నియమం వర్తించాలని ఫెడరేషన్ సభ్యులు వాదిస్తున్నారు. దాంతో రామోజీ ఫిల్మ్సిటీలో జరుగుతున్న బాహుబలి షూటింగ్ కూడా హఠాత్తుగా ఆగిపోయింది. ఈరోజు సాయింత్రం ఫెడరేషన్ కీ, నిర్మాత మండలికీ మధ్య కీలకమైన సమావేశం ఉంది. అక్కడ తీసుకొనే నిర్ణయాలను బట్టే.. షూటింగులెప్పుడనేది తెలుస్తుంది. గోవా వెళ్లిన పూరి బృందం కూడా ఫెడరేషన్ పిలుపు మేరకు షూటింగులను అర్థాంతరంగా ఆపేసి తిరిగొచ్చిన సంగతి తెలిసిందే. ఇప్పుడు ఆ ఎఫెక్ట్ బాహుబలిపైనా పడిందన్నమాట.