ప్రముఖ యువ హీరో అల్లు అర్జున్ వివాహం స్నేహా రెడ్డితో హైదరాబాద్ లోని హైటెక్స్ లో 2011 మార్చ్ 5 వ తేదీన జరుగనుంది.ప్రముఖ బాలీవుడ్ హీరో అమీర్ ఖాన్ కూడా అల్లు అర్జున్, స్నేహా రెడ్డిల వివాహానికి, వారిని ఆశీర్వదించటానికి వస్తున్న టాలీవుడ్, కోలీవుడ్, వంటి దక్షిణాది సినీ ప్రముఖులతో పాటు హైదరాబాద్ కి రానున్నారని విశ్వసనీయ వర్గాల ద్వారా అందిన సమాచారం. ఈ పెళ్ళికి కాస్త ముందుగా హైదరాబాద్ వస్తున్న అమీర్ ఖాన్ హైదరాబాద్ లోని తాజ్ కృష్ణ హోటల్లో దిగుతారు.గతంలో తమిళ, తెలుగు భాషల్లో దిగ్విజయం సాధించిన "గజిని" చిత్రాన్ని బాలీవుడ్ లో అమీర్ ఖాన్ హీరోగా, గీతా ఆర్ట్స్ పతాకంపై, అల్లు అరవింద్ "గజిని" పేరుతో నిర్మించగా అది అద్భుతమైన విజయం సాధించింది.ఆ అనుబంధంతో అమీర్ ఖాన్ ఇప్పుడీ వివాహానికి హాజరవుతున్నారు.