ఆది ప్రముఖ సీనియర్ నటుడు సాయికుమార్ తనయుడు.వరుణ్ సందేశ్ వర్థమాన యువ హీరో.వీళ్ళిద్దరి మధ్య పాపం రామ్ గోపాల వర్మ తీసిన అప్పల్రాజు పచ్చడవుతాడని సినీ వర్గాల భోగట్టా.అంటే కె.విజయభాస్కర్ దర్శకత్వంలో,.అచ్చిరెడ్డి నిర్మిస్తుండగా,ఆది తొలిసారి హీరోగా నటిస్తున్న "ప్రేమ కావాలి"చిత్రం ఫిబ్రవరి 25 వ తేదీన విడుదలవుతోంది.అలాగే సినిమాటోగ్రాఫర్ రమణ సాల్వని దర్శకుడిగా పరిచయం చేస్తూ,వరుణ్ సందేశ్ హీరోగా, సుమా భట్టాచార్యను హీరోయిన్ గా పరిచయం చేస్తూ,మహి, శివ నిర్మిస్తున్న చిత్రం"కుదిరితే కప్పుకాఫీ" కూడా అదే రోజున విడుదలవుతోంది.ఇప్పటికే రెండు రోజుల బంద్ కారణంగా నీరసపడిన "అప్పల్రాజు", ఈ రెండు చిత్రాల విడుదల కారణంగా కోలుకోవటం కాదుగదా పూర్తిగా దుంపనాశనం అవటం ఖాయమని ఫిలిం నగర్ వర్గాలంటున్నాయి. ఎందుకంటే పై రెండు చిత్రాలూ రెండు విభిన్నమైన జోనర్స్ కు చెందినవి కాబట్టి,అవి ప్రేక్షకులను ఆకట్టుకునే అవకాశాలు బాగా ఉన్నాయి కనుక అప్పల్రాజు పరిస్థితి పచ్చడేనని సినీ వర్గాలు భావిస్తున్నాయి.