English | Telugu
అమీర్ ఖాన్ ‘పీకే’ ఫీవర్ ఊపేస్తోంది
Updated : Dec 19, 2014
అమీర్ ఖాన్, అనుష్క శర్మ కాంబినేషన్లో రాజ్ కుమార్ హిరానీ దర్శకత్వం వహించిన ‘పీకే’ ఈ రోజు ప్రప౦చవ్యాప్తంగా విడుదలైంది. ‘పీకే’ సినిమా ప్రచారంలో కొత్త పుంతలు తొక్కిన విషయం తెలిసిందే. ఈ సినిమాకి ఇప్పటికే బోలెడంత ప్రచారం వచ్చేసింది. ఆ ప్రచారాన్ని క్యాష్ చేసుకోవాలని భావించిన నిర్మాతలు సినిమాను భారీ స్థాయిలో రిలీజ్ చేశారు. హైదరాబాద్ లో ఈ ఒక్క రోజు మల్టీప్లెక్స్ థియేటర్లలో 160 షోలు వేస్తున్నార౦టే ఈ సినిమా క్రేజ్ ఏ రెంజులో వుందో మనం అర్ధం చేసుకోవచ్చు. ఇప్పటికే ఈ షో లకి సంబంధించిన టికెట్ లన్ని ముందే బుక్ అయిపోవడం మరో విశేషం. అయితే ఈ వారం తెలుగులో పెద్ద సినిమాలేవి రిలీజ్ కాకపోవడం కూడా ‘పీకే’ కి బాగా కలిసివచ్చింది.