రవితేజ "వీర" ఆడియో "మే" తొలి వారంలో విడుదలవుతుందని విశ్వసనీయ వర్గాల ద్వారా అందిన సమాచారం. వివరాల్లోకి వేళితే మాస్ రాజా రవితేజ హీరోగా, అందాల ముద్దుగుమ్మలు కాజల్ అగర్వాల్, తాప్సి హీరోయిన్లుగా, "ఒక ఊరిలో", "రైడ్" చిత్రాలకు దర్శకత్వం వహించిన రమేష్ వర్మ దర్శకత్వంలో, శాన్వి ప్రొడక్షన్స్ పతాకంపై, గణేష్ ఇందుకూరి నిర్మిస్తున్న చిత్రం" వీర ". రవితేజ "వీర" చిత్రానికి తమన్ సాయి సంగీతం అందిస్తున్నారు.

ఈ చిత్రంలో కాజల్ అగర్వాల్‍ "కబడ్డీ చిట్టి" అనే పక్కా మాస్ క్యారెక్టర్ లో నటిస్తూండగా, సొట్టబుగ్గల అందాల తాప్సి సాఫ్ట్ వేర్ స్పెషలిస్ట్ గా నటిస్తూంది. మాస్ రాజా రవితేజ "విక్రమార్కుడు" చిత్రం తర్వాత ఈ "వీర" చిత్రంలో ద్విపాత్రాభినయం చేస్తున్నారు. ఈ రవితేజ "వీర" చిత్రం యొక్క ఆడియోని ఆదిత్య మ్యూజిక్ ద్వారా"మే" మొదటి వారంలో విడుదల చేసి, ఈ "వీర" చిత్రాన్ని మాత్రం "మే" నెల మూడవ వారంలో విడుదల చేయటానికి ఈ చిత్ర నిర్మాత గణేష్ ఇందుకూరి సన్నాహాలు చేస్తున్నారు. ఈ చిత్రంలో రవితేజ, కాజల్ అగర్వాల్ పైన చిత్రీకరించాల్సిన రెండు పాటల కోసం ఈ చిత్రం యూనిట్ ఏప్రెల్ 30 వ తేదీన యూరప్ కి వెళుతున్నారు.