"రచ్చ" లో రామ్ చరణ్ డబ్బున్నోడవ్వాలని ప్రయత్నాలు జోరుగా చేస్తుంటాడట. వివరాల్లోకి వెళితే మెగా సూపర్ గుడ్ ఫిలింస్ పతాకంపై, మెగాపవర్ స్టార్ రామ్ చరణ్ తేజ హీరోగా, మిల్కీవైట్‍ బ్యుటీ తమన్నా భాటియా హీరోయిన్ గా, " ఏమైంది ఈ వేళ " ఫేం సంపత్ నంది దర్శకత్వంలో, యన్.వి.ప్రసాద్, పరాస్ జైన్ సంయుక్తంగా నిర్మిస్తున్న విభిన్నకథా చిత్రం "రచ్చ". ఈ "రచ్చ" సినిమా షూటింగ్ ప్రస్తుతం లింగంపల్లి సమీపంలోని అల్యుమినియం ఫ్యాక్టరీలో జరుగుతూంది.

హైదరాబాద్ శివార్లలో ప్రముఖహాస్యనటుడు, డాక్టర్ బ్రహ్మానందం పాల్గొన్న కొన్ని హాస్యసన్నివేశాలను కుడా ఈ చిత్రం కోసం చిత్రీకరించారు. "రచ్చ" సినిమాలోని యాక్షన్ సీన్లనూ, అలాగే కామెడీ సీన్లనూ దర్శకుడు సంపత్ నంది చాలా విభిన్నంగా ప్లాన్ చేశారనీ, ఈ సినిమాకి అతను ప్రాణం పెడుతున్నాడనీ ఆ చిత్రం యునిట్‍ చెపుతోంది. ఈ సినిమాని నవంబర్ నెల చివరలో విడుదల చేయటానికి దర్శకుడు తీవ్రంగా కృషి చేస్తున్నాడని సమాచారం. "రచ్చ" సినిమాలో హీరో రామ్ చరణ్ ఎలాగైనా ధనవంతుడవ్వాలనుకునే సామాన్యయువకుడి పాత్రలో నటిస్తున్నాడని తెలిసింది.