English | Telugu
రానా నా ఇష్టం లో పాట పూర్తి
Updated : Jun 15, 2011
రానా "నా ఇష్టం" లో పాట పూర్తిచేసుకుందని తన ట్విట్టర్ లో హీరో రానా రాసుకున్నాడు. వివరాల్లోకి వెళితే యునైటెడ్ మూవీస్ పతాకంపై, గతంలో యువరత్న నందమూరి బాలకృష్ణ హీరోగా, బోయపాటి దర్శకత్వంలో "సింహా" వంటి సూపర్ హిట్ సినిమా నిర్మించిన యువ నిర్మాత పరుచూరి కిరీటి ప్రస్తుతం యువ హీరో దగ్గుబాటి రానా హీరోగా, జెనీలియా డిసౌజా హీరోయిన్ గా, ప్రకాష్ తోలేటి అనే నుతన యువకుణ్ణి దర్శకుడిగా పరిచయం చేస్తూ నిర్మిస్తున్న విభిన్న కథా చిత్రం "నా ఇష్టం". ఈ సినిమా పేరుతో గతంలో రామ్ గోపాల వర్మ ఒక పుస్తకాన్ని విడుదల చేశాడు.
ప్రస్తుతం రానా "నా ఇష్టం" సినిమా మలేసియాలోని కౌలాలంపూర్ లో ఒక పాట చిత్రీకరణ జరుపుకుంది. నిక్సన్ మాస్టర్ కొరియోగ్రఫీలో ఈ పాటని చిత్రీకరించారు. "నేను - నా రాక్షసి" సినిమాలో రానా డ్యాన్స్ మీద దారుణమైన కామెంట్స్ వచ్చిన నేపథ్యంలో, ఈ సినిమాలో రానా తన డ్యాన్స్ ను వీలయినంతగా మెరుగుపరుచుకుంటున్నాట్ట. మలేసియా ఫైట్ మాస్టర్లు అక్మల్, రజాబ్ ల నేత్రుత్వంలో ఈ చిత్రంలోని కొన్ని యాక్షన్ సన్నివేశాలను అక్కడి బాటు గుహల్లో చిత్రీకరించారట. ఈ సినిమాకి చక్రి సంగీతం అందిస్తున్నారు.