English | Telugu
పిల్లల కోసం ప్రియా ఆనంద్
Updated : Jun 15, 2011
పిల్లల కోసం ప్రియా ఆనంద్ అనగానే అపార్థం చేసుకోకండి. ఆమెకింకా పెళ్ళే కాలేదు. వివరాల్లోకి వెళితే ఆ మధ్య రానా హీరోగా నటించిన తొలి చిత్రం" లీడర్" లో ఒక చక్కని పాత్రలో నటించిన ప్రియా ఆనంద్ ప్రస్తుతం సిద్ధార్థ హీరోగా, నిత్య మీనన్ హిరోయిన్ గా నటిస్తున్న "180" సినిమాలో మరో హీరోయిన్ గా నటిస్తూంది. ఇంతకీ విషయమేమిటంటే తమిళనాడు, ఆంధ్రప్రదేశ్ రాష్ట్రాల్లో తల్లిదండ్రులు లేని పిల్లలను కాపాడే పనిలో భాగంగా "సేవ్ చిల్డ్రన్" అనే సంస్థకు బ్రాండ్ అంబాసిడర్ గా, అలాగే బాలకార్మిక వ్యవస్థకు వ్యతిరేకంగా పోరాడాలని నిర్ణయించుకుంది.
ఆ పనిలో భాగంగా ఆమె తమిళనాడులో సునామీలో తమ తల్లిదమడ్రులను పోగొట్టుకుని అనాథలుగా మిగిలిన పిల్లలను కొందరిని కలిసింది ప్రియా ఆనంద్. ఆ పసిపిల్లల అనుభవాలను, వారి మనోభావాలను తెలుసుకున్న ప్రియా ఆనంద్ చాలా ఆశ్చర్యపోయిందట. సేవ్ ది చిల్డ్రన్ ఆర్గనైజేషన్ వారు నడుపుతున్న ఇంటిగ్రేటెడ్ చైల్డ్ డెవలెప్ మెంట్ స్కీమ్ సెంటర్ మరకణ్ణన్ కు వెళ్ళి అక్కడున్న పిల్లలతో పాటు భోజనంచేసి వారితో గడిపిందట ప్రియా ఆనంద్. మంచిపని చేస్తున్న ప్రియా ఆనంద్ ని తెలుగువన్ అభినందిస్తూంది.