English | Telugu
రామ్ చరణ్ కు యూత్ ఐకాన్ అవార్డ్
Updated : Jun 11, 2011
రామ్ చరణ్ కు "యూత్ ఐకాన్ అవార్డ్" లభించింది. వివరాల్లోకి వెళితే "నాట్స్" (నార్త్ అమెరికా తెలుగు సొసైటీ) వారు ఈ "యూత్ ఐకాన్" అవార్డుని మెగాపవర్ స్టార్ రామ్ చరణ్ కు ఇవ్వనున్నారు. రామ్ చరణ్ కు "యూత్ ఐకాన్ అవార్డ్" ని జూలై ఒకటి, రెండు, మూడు తేదీల్లో నార్త్ అమెరికాలోని న్యూజెర్సీ నగరంలో జరిగే "నాట్స్" (నార్త్ అమెరికా తెలుగు సొసైటీ) వేడుకల్లో వారు వేదికపై అందించనున్నారు.
నాట్స్ వారు రామ్ చరణ్ కు ఈ "యూత్ ఐకాన్ అవార్డ్" ఇవ్వటంపై స్పందిస్తూ రామ్ చరణ్ నటించింది మూడు సినిమాల్లోనే అయినా, మొదటి సినిమా "చిరుత" మంచి హిట్ చిత్రంగా పేరు తెచ్చుకోగా, రెండవ చిత్రం" మగధీర" 75 యేళ్ళ తెలుగు సినీ పరిశ్రమ బాక్సాఫీసు రికార్డులని బద్దలు కొట్టటం సామాన్య విషయం కాదనీ, అందుకు తన తండ్రి మెగాస్టార్ చిరంజీవిలా నిరంతరం రామ్ చరణ్ కష్టపడే మనస్తత్వం, అకుంఠిత దీక్ష ఉండటం వల్లే ఈ రికార్డుని రామ్ చరణ్ సాధించాడనీ అన్నారు. అందుకనే అతనికి యువతలో అంత భారీ ఫాలోయింగ్ ఉందనీ అన్నారు. ఈ సందర్భంగా తెలుగువన్ రామ్ చరణ్ కి శుభాకాంక్షలు తెలుపుతోంది.