English | Telugu
నెపోలియన్ గా సునీల్
Updated : May 10, 2011
"నెపోలియన్" గా సునీల్ నటించబోతున్నాడట. వివరాల్లోకి వెళితే హాస్యనటుడిగా ఉన్న సునీల్ ఉన్నట్టుండి "అందాల రాముడు" సినిమాతో హీరోగా మారాడు. అయినా కామెడీ వేషాలు మానలేదు. రాజమౌళి తీసిన "మర్యాదరామన్న" సినిమాతో పూర్తి స్థాయి హీరోగా మారిపోయాడు సునీల్. ఆ తర్వాత కామెడీ వేషాలు వేయటం దాదాపు మానేశాడనే చెప్పాలి. అనంతరం రామ్ గోపాలవర్మ దర్శకత్వంలో "కథ, స్క్రీన్ ప్లే, దర్శకత్వం అప్పల్రాజు", "దొంగల ముఠా" వంటి ఫ్లాప్ చిత్రాల్లో నటించాడు సునీల్.
దర్శకుడు యస్.యస్.రాజమౌళి సినిమాలో నటించిన హీరోకి ఆ తర్వాత ఒక పట్టాన సక్సస్ రాదనేది జగమెరిగిన సత్యం. ఉదాహరణకు సింహాద్రి తర్వాత యన్ టి ఆర్ కీ, విక్రమార్కుడు తర్వాత రవితేజకీ, ఛత్రపతి తర్వాత ప్రభాస్ కీ, అలాగే మర్యాదరామన్న తర్వాత సునీల్ కీ అలా రాజమౌళి ఎఫెక్ట్ పడింది. అయితే ప్రస్తుతం శాన్వి ప్రొడక్షన్స్ పతాకంపై, సునీల్ హీరోగా, ఒక కొత్త కుర్రాణ్ణి దర్శకుడిగా పరిచయం చేస్తూ, గణేష్ ఇందుకూరి నిర్మిస్తున్న చిత్రం "నెపోలియన్". "నెపోలియన్" చిత్రం మళయాళంలో సూపర్ హిట్టయిన ఒక సినిమాకి తెలుగు రీమేక్ గా నిర్మిస్తున్నారు. ఈ "నెపోలియన్" సినిమా కచ్చితంగా మంచి హిట్టవుతుందని సునీల్ ఎంతో నమ్మకంగా ఉన్నాడు.